Hafnarstjórn

Umhverfisstjóri hefur unnið minnisblað um stöðu leyfismála vegna efnistöku við Eyri. Minnisblaðið lagt fram til kynningar.

Kynnt drög að uppfærðri upplýsingaöryggisstefnu sem leysir af hólmi eldri upplýsingaöryggisstefnu frá 2013. Stefnunni er ætlað að mæta kröfum sem ný persónuverndarlöggjöf krefst og reglugerð Evrópusambandsins áskilur að aðildarlönd þeirra innleiði.

Kynnt drög að útvistunarstefnu upplýsingatæknimála ásamt minnisblaði. Með drögum þessum er skýrð heimild til útvistunar á rekstri upplýsingatæknikerfa til samræmis við ákvæði nýrra persónuverndarlaga og reglugerðar Evrópusambandsins um aukna persónuvernd.

Fundargerð Hafnasambands Íslands númer 401 lögð fram til kynningar.

Tilboð hafa borist í flotbryggjur sem hafnarsjóður auglýsti til sölu. Hafnarstjórn felur framkvæmdastjóra að ganga frá sölu á bryggjunum.

Á togarabryggjunni á Norðfirði er talsvert sig á hafnarkanti. Hafnarstjórn felur framkvæmdastjóra að grípa til bráðabirðgaaðgerða hið fyrsta og einnig að skoða kostnað og valkosti við varanlega viðgerð. Ákvörðun um tímasetningu viðgerðar er vísað til gerðar fjárhagsáætlunar.

Skipulags- og byggingafulltrúi Fjarðabyggðar hefur sent til til umsagnar á kynningartíma breytingu á aðalskipulagi og deiliskipulagi Leiru 1. Hafnarstjórn frestar afgreiðslu málsins til næsta reglubundins fundar.