Hafnarstjórn

Hafnarsjóði Fjarðabyggðar hefur borist beiðni um styrk vegna franskra daga á Fáskrúðsfirði árið 2018. Hafnarstjórn samþykkir að veita umbeðinn styrk. Hafnarstjórn felur framkvæmdastjóra að gera tillögur að úthlutunarreglum fyrir styrki frá hafnarsjóði og samræmingu við styrkveitingar hjá bæjarfélaginu.

Erindi hefur borist frá ungmennafélaginu Súlunni á Stöðvarfirði þar sem óskað er eftir fjárstyrk frá hafnarstjórn vegna afnælis- og bæjarhátíðar í tilefni af 90 ára afmæli félagsins. Hafnarstjórn samþykkir að veita umbeðinn styrk. Hafnarstjórn felur framkvæmdastjóra að gera tillögur að úthlutunarreglum fyrir styrki frá hafnarsjóði og samræmingu við styrkveitingar hjá bæjarfélaginu.

Siglingasvið Vegagerðarinnar hefur sett saman minnisblað um þörf fyrir endurnýjun á stálþilum í höfnum Fjarðabyggðar. Hafnarstjórn vísar málinu til gerðar fjárhagsáætlunar.

Siglingasvið Vegagerðarinnar hefur unnið drög að tillögu fyrir stækkun hafnarinnar á Stöðvarfiði. Hafnarstjórn er nokkuð sátt við þau drög sem unnin hafa verið og vísar málinu til fjárhagsáætlunar.

Framkvæmdastjóri hafna ásamt formanni hafnarstjórnar og sviðstjóra framkvæmdasviðs fóru í heimsókn til Faxaflóðahafna og Siglingasviðs Vegagerðarinnar. Á fundinum var farið yfir niðurstöður ferðarinnar.