Hafnarstjórn

Lóðarhafi sækir um stækkun á lóð við Landanaust 3 á Neskaupstað, breyttri aðkomu, lægra nýtingarhlutfalli og breytingu á nafni götunnar. Hafnarstjórn beinir því til Eigna- skipulags- og umhverfisnefndar að tryggja aðkomu að hafnarkanti og að lóð norðaustan við fyrirhugaða byggingu.

Fundargerðir Hafnasambands Íslands númer 402 og 403 lagðar fram til kynningar.

Hafnarsamband Íslands hefur sent út til kynningar ársreikning sambandsins fyrir árið 2017. Hafnarstjórn gerir ekki athugasemdir við ársreikninginn.

Hafnarsamband Íslands hefur sent á aðildarhafnir sínar drög að samstarfsyfirlýsingu mill Hafnasambandsins og Fiskistofu um framkvæmd vigtarmála.

Erindi frá Samskip hf dagsett 26.4 þar sem óskeð er eftir undánþágu fyrr Bren Oleh skipstjóra á Samskip Hoffell til og frá Mjóeyrarhöfn. Hafnarstjórn staðfestir undanþágu frá hafnsögu fyrir Bren Oleh skipstkjóra á Samskip Hoffell.

Beiðni hefur borist frá Inga Lár Vilbergssyni um að fá grjót og annað jarðefni frá námu Fjarðabyggðahafna við Mjóeyrarhöfn. Efnið hyggst hann nota til að verja húseignina Klöpp í Reyðarfirði fyrir ágangi sjávar. Hafnarstjórn tekur vel í erindið en felur framkvæmdastjóra að ræða við lóðarhafa um útfærslu.

Ráðstefnan Seatrade Cruise med verður haldin í Lisbon 19. - 20. september 2018. Hafnarstjórn samþykkir þátttöku í ráðstefnunni.

Kynningartíma fyrir auglýsingu aðalskipulags fyrir hafnarsvæði á Eskifirði er lokið.
Eigna-, skipulags- og umhverfisnefnd hefur vísað ábendingum um nýtingu hafnarsvæðis og dýpt við viðlegukant til umsagnar Hafnarstjórnar. Hafnarstjórn felur framkvæmdastjóra að koma ábendingum stjórnarinnar áfram til skipulagsfulltrúa.