Hafnarstjórn

Aðalfundur Cruise Iceland var haldinn á Fáskrúðsfirði 3. maí síðastliðinn. Fundargerð og ársreikningur CI lögð fram til kynningar.

Loðnuvinnslan Fáskrúðsfirði hefur spurst fyrir um möguleika á nýrri lóð fyrir sjódælustöð við löndunarbryggju við loðnubræðslu LVF. Framkvæmdastjóra er falið að ræða við framkvæmdaðila og koma athugasemdum á framfæri.

Til kynningar fyrir hafnarstjórn er aðaluppdráttur að aðstöðuhúsi á Útkaupstaðartúni. Staðsetning byggingarreits byggir á drögum að nýju deiliskipulagi. Meðfylgjandi er einnig umsögn Sjóminjasafns Austurlands um aðaluppdrátt hússins. Hafnarstjórn felur framkvæmastjóra að vinna uppdrátt með nýrri staðsetningu aðstöðuhússins sem verði norðan við malbikaðan stíg við Sjóminjasafnið og flútti við norð-vestur gafl Gömlu búðar. Jafnframt að sækja um samþykkt á byggingaráformum til Eigna- skipulags- og umhverfisnefndar.

Framkvæmdastjóri hafna fór yfir stöðu tilraunaborana við hafnarsvæði á Eskifirði. Framkvæmdastjóra falið að fylgjast áfram með verkefninu.

Þörf er fyrir uppbyggingu á aðstöðuhúsum á smábáthöfnum. Á Norðfirði er þörfin einna mest, bæði vegna aðkomubáta og sömuleiðis er vegalengd frá íbúðabyggð meiri þar en á öðrum smábátahöfnun. Hafnarstjórn vísar málinu til gerðar fjárhagsáætlunar.