Hafnarstjórn

Vísað frá bæjarstjórn til kynningar fagnefndar erindisbréfi hafnarstjórnar. Hafnarstjórn hefur farið yfir breytingar og samþykkir breytingar á erindisbréfi.

Sjómannadagsráð Neskaupstaðar sækir um styrk til hafnarstjórar vegna sjómannadagshátíðarhalda árið 2018. Hafnarstjórn samþykkir umbeðna styrkveitingu til Sjómannadagsráðs Neskaupstaðar. Jafnframt mun hafnarstjórn taka umræðu um fyrirkomulag hátíðahaldanna við viðeigandi aðila á haustdögum.

Síldarvinnslan hefur óskað eftir heimild hafnarstjórnar til að setja upp skáp fyrir 150 A rafmagnstengil fyrir neðan fiskimjölsverksmiðju fyrirtækisins. Hafnarstjórn fellst á erindið.

Framkvæmdastjóri hafna kynnti stöðu framkvæmda við nýjan kant við Egersund. Á framkvæmdaáætlun ársins 2018 var gert ráð fyrir að steypa kantbita og þekju en þar sem ennþá mælist sig á landi hefur ekki enn verið farið í þær framkvæmdir.

Framkvæmdastjóri hafna kynnti stöðu framkvæmda við nýjan hafnarkant við nótaverkstæði Fjarðanets í Neskaupstað. Á framkvæmdaáætlun ársins 2018 var gert ráð fyrir að steypa kantbita og þekju. Tímasetning verkefnis ræðst af framgangi byggingar Fjarðanets.

Erindi hefur borist frá Olíuverslun Íslands hf þar sem sótt er um leyfi fyrir olíutank og söludælu á höfnum á Reyðarfirði og Eskifirði. Hafnarstjórn tekur vel í erindið og felur framkvæmdastjóra að svara erindinu og fá upplýsingar um stærð tanka.

Samskip hafa sent inn erindi um framtíðaraðstöðu fyrirtæksins í Fjarðabyggð. Framkvæmdastjóra falið að ræða erindið frekar við Samskip.

Framkvæmdastjóri hafna kynnti vinnuskjal fyrir gerð fjárfestingaráætlunar 2019 auk 3ja ára áætlunar. Vísað til gerðar fjárhagsáætlunar.

Erindi hefur borist frá Fiskmarkaði Austurlands um afnot af hluta lóðar Fjarðabyggðahafnar í Neskaupstað. Hafnarstjórn samþykkir fyrir sitt leiti að láta hendi hluta lóðar og vísar málinu til Eigna-, skipulags- og umhverfisnefndar og framkvæmdastjóri fylgir málinu eftir.