Hafnarstjórn

Erindi frá Thor Shipping ehf dags. 5. júlí 2018 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Andriy Sabinin skipstjóra á Mv Freyja W. Hafnarstjórn samþykkir að veita undanþáguna.

Fundargerð Hafnasambands Íslands nr 404 lögð fram til kynningar.

Erindi hefur borist frá Menningarstofnun Fjarðabyggðar þar sem óskað er eftir styrk vegna smiðjudaga i grunnskólum Fjarðabyggðar. Hafnarstjórn samþykkir að styrkja smiðjudaga um umbeðna fjárhæð.

Hafnarstjórn óskar eftir því við bæjarráð að landsvæði við Hólma verði tekið undan samningi við Landgræðsluna að sinni meðan hafnarsjóður metur hugsanlega stærð og landþörf hafnarsvæðis við Flateyri. Mun sú vinna fara fram á vetri komanda.

Hafnarstjórn samþykkir að setja byggingu aðstöðuhúss á Útkaupstaðartúni á bið þangað til skipulag svæðisins liggur fyrir.

Hafnarstjórn samþykkir að verða við erindi um styrkbeiðni frá Sjómannadagsráði Eskifjarðar. Jafnframt mun hafnarstjórn taka umræðu um fyrirkomulag styrkveitinga til hátiðahalda við viðeigandi aðila á haustdögum.

Hafnarstjórn fór yfir hafnarreglugerð og ræddi uppfærslu reglugerðarinnar. Framhaldi máls vísað til næsta fundar hafnarstjórnar.