Hafnarstjórn

Hafnarstjórn óskaði eftir afstöðu menningar- og nýsköpunarnefndar til málefna skemmtiferðaskipa. Menningar-og nýsköpunarnefnd telur rétt að bíða eftir niðurstöðum frá vinnufundi hagsmunaaðila og eins telur nefndin vanta betri upplýsingar um mengun skipanna í umhverfinu. Hafnarstjórn felur framkvæmdastjóra að undirbúa vinnufund með hagsmunaaðilum sem tengjast komu skemmtiferðaskipa, stefnt verður á að hafa fundinn fimmtudaginn 1. nóvember. Framkvæmdastjóra falið að afla gagna um mengun skipa sem koma til hafnar.

Framkvæmdastjóri hafna fór yfir þátttöku í Sea Trade sýningu fyrir skemmtiferðaskipahafnir.

Lögð fram til kynningar samstarfsyfirlýsing Hafnasambands Íslands og Fiskistofu um framkvæmd vigtunar og eftirlits.

Hafnarstjórn tekur jákvætt í erindi Eskju um aflmeiri landtengingar fyrir skip í landlegu og felur framkvæmdastjóra að undirbúa framkvæmdir við öflugri tengingar fyrir fiskiskip og fara yfir málin á höfnum Fjarðabyggðar.

Borist hefur boð á aðalfund Fiskmarkaðs Austurlands 2018. Stjórn felur Framkvæmdastjóra að fara með umboð hafnarstjórnar á fundinum.

Hafnarstjórn vísar drögum að gjaldskrá til frekari umfjöllunar á næsta hafnarstjórnarfundi en tekur undir tillögur framkvæmdastjóra um gjaldskrárbreytingar.

Fiskmarkaður Austurlands sækir um stærri lóð á hafnarsvæði í Neskaupstað en fyrri hugmyndir gerðu ráð fyrir. Hafnarstjórn tekur jákvætt í umsóknina en mun fresta afgreiðslu til næsta fundar hafnarstjórnar.

Óskað hefur verið eftir afstöðu hafnarstjórnar til beiðni Eskju um stækkun Lóðar við Leirubakka 4. Hafnarstjórn samþykkir beiðni Eskju um breytingu á lóð.