Hafnarstjórn

Viðbragðsáætlun vegna mengunar fyrir Fjarðabyggðahafnir lögð fram til kynningar í hafnarstjórn. Hafnarstjórn samþykkir áætlunina og vísar henni til bæjarráðs til staðfestingar. Jafnframt óskar hafnarstjórn eftir því að sviðsstjóri framkvæmdasviðs komi inn á næsta hafnarstjórnarfund til að ræða öryggismál við framkvæmdir.

Fundargerð Hafnasambands Íslands númer 406 og 407 lögð fram til kynningar.

Aðalfundur Fiskmarkaðs Austurlands ehf var haldinn laugardaginn 2. nóvember. Framkvæmdastjóri kynnti umræður á fundinum.

Íbúi í Fjarðabyggð hefur sótt um lækkun á hafnargjöldum á þeirri forsendu að hann sé á ellilífeyrisaldri. Hafnarstjórn telur að ekki séu forsendur til að verða við beiðni um lækkun á hafnargjöldum og felur framkvæmdastjóra að svara erindinu.

Á sínum tíma sótti Breiðdalsvíkurhöfn um styrk til Hafnabótasjóðs vegna framkvæmda við flotrbryggjur. Framkvæmdastjóra falið að halda áfram samskiptum við Vegagerðina vegna málsins.

Lagt er til að afnotasamningur verði gerður við Safnastofnun Fjarðabyggðar um afnot af Egilsbraut 2, Neskaupstað. Hafnarstjórn samþykkir að gera afnotasamning við Safnastofnun Fjarðabyggðar í stað Safnaráðs Neskaupstaðar.

Áframhald umræðu um gjaldskrá Hafnasjóðs Fjarðabyggðar fyrir 2019. Drög að gjaldskrá samþykkt og vísað til bæjarráðs.

Framkvæmdastjóri hafna kynnti stöðu framkvæmda við nýjan kant við Egersund. Á framkvæmdaáætlun ársins 2018 var gert ráð fyrir að steypa kantbita og þekju en þar sem ennþá mælist sig á landi og stálþili hefur ekki enn verið farið í þær framkvæmdir. Mæling verður tekin á sigi í vikunni og framkvæmdastjóra falið að ræða við Egersund um niðurstöður mælinga og stefnt að útboði um áramót.

Beiðni um styrkveitingu vegna tækjakaupa hefur borist frá Björgunarsveitinni Geisla á Fáskrúðsfirði. Hafnarstjórn samþykkir að fela framkvæmdastjóra að ræða við Björgunarsveitina um þjónustusamning vegna aðstoðar við hafnir Fjarðabyggðar.

Rætt um aðstöðu fyrir starfsemi skipafélaga í Fjarðabyggð.