Hafnarstjórn

Samkvæmt niðurstöðum 200. fundar hafnarstjórnar þann 17. júlí s.l. voru drög að samstarfssamningi Fjarðabyggðar og Landgræðslunnar lögð að nýju fyrir hafnarstjórn.
Hafnarstjórn samþykkir fyrir sitt leyti nýjar tillögur að endurheimt svæða á Hólmum og vísar til afgreiðslu bæjarráðs.

Vísað til umfjöllunar hafnarstjórnar milli umræðna bæjarstjórnar endurskoðaðri hafnarreglugerð Fjarðabyggðhafna. Taka þarf afstöðu til ábendinga frá Samgöngu- og sveitarstjórnarráðuneytingu um heimildir hafnasögumans um borð í skipum sem ganga á starfsskyldur skipstjóra. Um er að ræða ábendingu vegna 6. gr. hafnarreglugerðarinnar. Hafnarstjórn hefur áður tekið fyrir ábendingu vegna 6. greinar og hafnað henni og er það óbreytt. Hafnarstjóra falið að ganga frá hafnarreglugerð til síðari umræðu í bæjarstjórn í samræmi við umræður á fundi.

Vísað frá bæjarráði til hafnarstjórnar endurskoðuðu erindisbréfi sem hefur verið uppfært með tilliti til skipulagsbreytinga sem bæjarstjórn staðfest1 21. febrúar sl.
Hafnarstjórn felur hafnarstjóra breytingu á erindisbréfi í samræmi við umræðu á fundinum og vísar því til afgreiðslu bæjarstjórnar.

Hafnarstjórn fór yfir fjárhagsáætlun ársins 2019 og greindi stöðuna gagnvart tekjumissi vegna væntanlegs loðnubrests. Hafnarstjóra falið að halda utan um vinnu við fjárhagsáætlun ársins 2019.

Hafnarstjórn samþykkir beiðni um undanþágu fyrir Evsiko Evhenii skipstjóra á Frigg W frá lóðsskyldu til og frá Mjóeyrarhöfn.

Hafnarstjórn fór yfir komur skemmtiferðaskipa ársins 2019 til Fjarðabyggðarhafna. Framtíðarsýn varðandi skemmtiferðaskip rædd, Hafnarstjórn samþykkir að fá formann menningar- og nýsköpunarnefndar og atvinnu og þróunarstjóra Fjarðabyggðar á næsta fund hafnarstjórnar til að ræða málið.

Lögð fram að nýju drög að umhverfisstefnu Fjarðabyggðar 2019-2022.
Eigna-, skipulags- og umhverfisnefnd vísar drögum að umhverfisstefnu Fjarðabyggðar 2019-2022 til umfjöllunar í menningar- og nýsköpunarnefnd, félagsmálanefnd, fræðslunefnd, hafnarstjórn, íþrótta- og tómstundanefnd, landbúnaðarnefnd, ungmennaráð og safnanefnd.
Hafnarstjórn fór yfir drögin að umhverfisstefnu Fjarðabyggðar 2019-2022. Hafnarstjórn gerir ekki athugasemdir við drögin en telur nauðsynlegt að fundað verði með fulltrúum fyrirtækja í Fjarðabyggð áður en stefnan verður sett