Hafnarstjórn

Lagt fyrir erindi frá Elís Pétri Elíssyni varðandi höfnina á Breiðdalsvík. Hafnarstjórn þakkar bréfritara fyrir erindið og mun taka það til frekari skoðunar í vinnu sinni.

Endurnýjunar er þörf á dráttarbáti Fjarðabyggðarhafna til framtíðar litið. Hafnarstjórn er sammála um að hefja skoðun og þarfagreiningu á nýjum slíkum báti. Verkefnastjóra hafna og sviðsstjóra framkvæmdasviðs falið að halda utan um þá vinnu.

Lagt fyrir erindi frá Hampiðjunni Ísland ehf. varðandi hafnarkantinn við netagerðina á Norðfirði. Hafnarstjóra og starfsmönnum falið að ræða við bréfritara um útfærslur og frekari skoðun á málinu.

Lögð fram til kynningar umsögn vegna endurnýjunar heimavigtunarleyfis fiskimjölsverksmiðju Síldarvinnslunnar. Hafnarstjórn gerir ekki athugasemd við umsögnina og felur hafnarstjóra að senda hana.

Fram hafa komið athugasemdir vegna undanþágu frá lóðsskyldu. Hafnarstjóra falið að ræða við skipafélög vegna málsins og leggja fyrir að nýju.

Framlagðar upplýsingar um veðurstöðvar. Tekið fyrir á næsta fundi.

Erindi frá Cruise Iceland vegna sýningarinnar Seatrade Cruise Global í Miami 20-23.apríl 2020 um hvort Fjarðabyggðarhafnir vilji nýta sameiginlegan starfsmann þar. Kostnaður 80.000 kr. Hafnarstjórn samþykkir erindið.

Framlögð drög að reglum um styrkveitingu vegna viðhalds og endurgerðar gamalla bryggja. Verkefnastjóra hafna falið að gera lítilsháttar breytingar í samræmi við umræður á fundinum. Hafnarstjórn samþykkir reglurnar fyrir sitt leyti og vísar þeim til bæjarráðs.

Breyting á skráningu Stöðvarfjarðarhafnar vegna skipa í alþjóðasiglingum. Verkefnastjóra hafna falið að ganga frá breytingu.

Afnotasamningur milli hafnarstjórnar og Safnastofnunar Fjarðabyggðar vegna Egilsbrautar 2. Áður tekið fyrir á 206.fundi hafnarstjórnar. Hafnarstjórn samþykkir samninginn og felur hafnarstjóra undirritun hans.