Hafnarstjórn

Lögð fram til kynningar fundargerð Hafnasambands Íslands frá fundi þann 18.nóvember síðastliðinn

Lögð fram gögn úr rannsóknum á fyrirhuguðu efnistökusvæði í Hellisfirði. Taka þarf ákvörðun um hvort fara eigi í frekari rannsóknir á svæðinu. Hafnarstjórn felur verkefnastjóra hafna að ræða við leyfisveitendur um niðurstöður rannsókna og leggja fyrir hafnarstjórn að nýju.

Farið yfir fjárfestingaáætlun og fyrirhugaðar framkvæmdir ársins 2020. Framkvæmdasviði falið að vinna áfram tillögur að viðgerð á stálþili hafskipabryggju á Eskifirði og leggja fyrir að nýju. Jafnframt lögð fram skýrsla Eflu yfir valkosti til hafnargerðar hjá Eskju á Eskifirði. Hafnarstjórn samþykkir að leggja til valkost 2 í skýrslu til frekari vinnslu hjá Skipulagsstofnun.

Lagt fram til kynningar minnisblað um mat á viðburðum tengdum komum skemmtiferðaskipa 2019. Hafnarstjórn vísar minnisblaði til frekari vinnu við komu skemmtiferðaskipa til Fjarðabyggðar.

Umsókn Síldarvinnslunnar um leyfi til að leggja lagnir milli Fiskiðjuvers og Fiskimjölsverksmiðju SVN í Neskaupstað. Hafnarstjórn samþykkir framkvæmdaleyfi vegna lagnaleiðar með skilyrðum sem tekin eru fram í svarbréfi.

Kaup á húsnæði fyrir þjónustumiðstöð og hafnaraðstöðu í Breiðdal að Selnesi 14 og 14b. Hafnarstjórn staðfestir áður samþykkt kaup á Selnesi 14 og 14b.