Hafnarstjórn

Lögð fram sem trúnaðarmál skýrsla vegna skyndiúttektar Samgöngustofu á hafnaraðstöðu á Mjóeyrarhöfn.

Lögð fram stöðuleyfisumsókn Ara Benediktssonar/Mannvits hf fh. Eimskips, dagsett 12. desember 2019, þar sem sótt er um endurnýjun stöðuleyfis fyrir starfsmannaaðstöðu Eimskips í gámaeiningum innan hafnarsvæðis Mjóeyrarhafnar. Eigna-, skipulags- og umhverfisnefnd vísar erindinu til umsagnar hafnarstjórnar.
Hafnarstjórn samþykkir fyrir sitt leyti stöðuleyfi en felur verkefnastjóra hafna að fara í heildstæða skoðun á aðstöðu á Mjóeyrarhöfn.

Lögð fram til kynningar fundargerð Hafnasambands Íslands frá 6.desember 2019.

Lagður fram tölvupóstur frá Sævari Guðjónssyni vegna Gömlu bræðslunnar í Mjóeyrarvík. Hafnarstjórn felur hafnarstjóra og verkefnastjóra hafna að fara yfir skráningarmál hússins, ræða við bréfritara um hans hugmyndir og leggja fyrir hafnarstjórn að nýju.

Sjómannadagsráð Neskaupstaðar óskar eftir styrk vegna hátíðarhalda á sjómannadaginn 2019.
Hafnarstjórn samþykkir að styrkja Sjómannadagsráð Neskaupstaðar í samræmi við fjárhagsáætlun.