Hafnarstjórn

Til að bregðast við þeim aðstæðum sem uppi eru þessa stundina þá hefur starfsemi hafnanna verið skipt upp til að lágmarka þann skaða ef upp kæmi smit hjá starfsmanni. Hafnarstjórn samþykkir viðbragðsáætlun Fjarðabyggðarhafna.

Fyrsta fréttabréf siglingaverndar 2020 lagt fram til kynningar.

Fundargerð 421.fundar Hafnasambands Íslands frá 20.mars síðastliðnum lögð fram til kynningar.

Kynntar upplýsingar frá Landhelgisgæslu Íslands varðandi heimild erlendra skipa í ríkiseign til komu í íslenskar hafnir. Hafnarstjórn felur verkefnastjóra hafna að koma upplýsingum til starfsmanna hafna.

Lagður fram til kynningar tölvupóstur frá Samgöngustofu er varðar breytingu á reglugerð um för yfir landamæri. Verkefnastjóra hafna er falið að koma upplýsingum til starfsmanna hafna.

Lagt fram til kynningar bréf frá Eskju varðandi áform þeirra um landtengingu skipa við landanir í höfnum. Hafnarstjórn tekur jákvætt í erindið en vill fá frekari gögn um staðsetningu og tengimöguleika fyrir aðra notendur. Sviðsstjóra framkvæmdasviðs er falið að halda utan um málið.

Erindi frá Samskip dags. 19. mars 2020 þar sem óskað er eftir undanþágu frá lóðsskyldu að og frá Reyðarfjarðarhöfn fyrir skipstjóra á MS Samskip Hoffelli. Hafnarstjórn samþykkir undanþáguna.

Yfirferð á framkvæmdum hafnarsjóðs árið 2020. Hafnarstjórn felur verkefnastjóra hafna og sviðsstjóra framkvæmdasviðs að fara yfir framkvæmdalista hafnanna og tekjur hafnarsjóðs og leggja fyrir að nýju.

Lagðar til breytingar á gjaldskrá hafnarsjóðs Fjarðabyggðar. Hafnarstjórn samþykkir breytingar á gjaldskrá og felur verkefnastjóra hafna frágang hennar.

Lagt fram sem trúnaðarmál erindi frá Eimskip varðandi gjaldskrá Hafnarsjóðs Fjarðabyggðar.

Lagður fram sem trúnaðarmál tölvupóstur frá Royal Arctic Line A/S.