Hafnarstjórn

Fjárfestingaráætlun og launaáætlun ársins 2021 lögð fyrir. Hafnarstjórn samþykkir áætlunina og vísar henni til frekari vinnu við fjárhagsáætlun.

Gjaldskrá Fjarðabyggðarhafna lögð fram til umfjöllunar og afgreiðslu hafnarstjórnar. Hafnarstjóra ásamt starfsmönnum falið að útfæra ákveðna liði gjaldskrárinnar í samræmi við umræður á fundinum.

Skemmdir eftir ásiglingu komu í ljós á Hafskipabryggju á Eskifirði um liðna helgi er þekja féll niður. Hafnarstjórn felur framkvæmdasviði að fara í viðgerð á bryggjunni ásamt því að skoða framtíðar viðgerðir á bryggjunni.

Þriðjudaginn 22.september 2020 voru tilboð opnuð í framleiðslu og rekstur staura fyrir stækkun Eskifjarðarhafnar. Nefndarmenn hafnarstjórnar samþykktu milli funda í tölvupósti að taka tilboði lægstbjóðanda sem er 86% af kostnaðaráætlun.

Á síðasta fundi hafnarstjórnar var formanni og hafnarstjóra falið að funda með formanni eigna-, skipulags- og umhverfisnefndar og sviðsstjóra umhverfis- og skipulagssviðs til að ræða efnistökumál í Fjarðabyggð. Sá fundur fór fram 24.september og var ákveðið að skoða efnistökumál í víðara samhengi í tengslum við endurskoðun aðalskipulags Fjarðabyggðar og fresta frekari rannsóknum vegna efnistöku af hafsbotni í Norðfjarðarflóa.

Lögð fram beiðni frá Siglingaklúbbi Austurlands um að Fjarðabyggðarhafnir útbúi ramp út í sjó við aðstöðuhús klúbbsins. Hafnarstjórn felur framkvæmdasviði að kostnaðarmeta erindið og fara yfir forsendur í tengslum við aðrar framkvæmdir.

Lögð fram til kynningar ástandsskýrsla fyrir Rex NS 3. Hafnarstjórn felur framkvæmdasviði í samstarfi við Safnastofnun að skoða með framkvæmdir við Rex NS 3 og leggja fyrir að nýju.

Lögð fram til kynningar deiliskipulagsbreyting á Hrauni 1 sem gerð var vegna framkvæmda við spennistöð á Mjóeyrarhöfn.

Lagðir fram til kynningar aðaluppdrættir af nýrri þjónustumiðstöð á Norðfirði.

Teikningar af trébryggju sem vinna er hafin við á Breiðdalsvík lagðar fram til kynningar.

Fundargerð aðalfundar Fiskmarkaðar Austurlands og tilkynning frá Fiskmarkaðnum um greiðslu arðs lögð fram til kynningar.

Lögð fram til kynningar fundargerð 426. fundar Hafnasambands Íslands frá 28.september síðastliðnum

Lagt fram tilboð í stálþilsplötur í bakþil fyrir landvegg í nýrri höfn á Eskifirði. Hafnarstjórn samþykkir að gengið verði til samninga við lægstbjóðanda og felur hafnarstjóra að ganga frá samningi.