Hafnarstjórn

Farið yfir stöðu framkvæmda- og viðhaldsverkefna á árinu 2020 með tilliti til áætlana. Lagt fram minnisblað sviðsstjóra framkvæmdasviðs. Hluti framkvæmda ársins 2019 færðist yfir á árið 2020.
Hafnarstjórn felur hafnarstjóra í samráði við fjármálastjóra að vinna viðauka en tekjur hafnarinnar verða umfram áætlanir einnig.

Lagt fram til kynningar innra vinnuskjal frá fundum með sjávarútvegsfyrirtækjum í Fjarðabyggð. Hafnarstjóra og verkefnastjóra hafna falið umhald um áframhald á þeirri vinnu.

Lagt fram minnisblað sviðsstjóra framkvæmdasviðs er varðar þarfagreiningu fyrir húsnæði þjónustumiðstöðvar á Fáskrúðsfirði. Hafnarstjórn felur hafnarstjóra að koma erindi á framfæri við bæjarráð í tengslum við umsögn varðandi málið og jafnframt er málinu vísað til kynningar í eigna-, skipulags- og umhverfisnefnd.

Lögð fram til kynningar umsögn Fjarðabyggðar til Skipulagsstofnunar vegna fyrirhugaðra breytinga á staðsetningu eldissvæða og útsetningaráætlun í Fáskrúðsfirði.

Lögð fram til kynningar fundargerð 428.fundar Hafnasambands Íslands.

Farið yfir dagskrá Hafnasambandsþings 2020 og tillögur sem fyrir því liggja. Þingið verður haldið næstkomandi föstudag 27.nóvember í fjarfundi.

Lögð fram til kynningar fundargerð 60. stjórnarfundar samtaka sjávarútvegssveitarfélaga sem er fyrsti fundur stjórnar eftir aðalfund samtakanna.

Lögð fram til kynningar umsögn hafnarstjóra vegna breytinga á hafnarlögum nr. 61/2003.

Hafnarstjóri og sviðstjóri framkvæmdasviðs fóru yfir fund sem þeir áttu með Hampiðjunni.