Hafnarstjórn

Fóðurprammi Laxa Fiskeldis ehf. sökk við Gripalda 10.janúar síðastliðinn. Unnið er að því að ná prammanum upp og fór hafnarstjóri yfir stöðu þess verkefnis.

Lagðar fyrir að nýju hugmyndir um hafnaraðstöðu fyrir Laxa Fiskeldi ehf. við norðanverðan Reyðarfjörð. Hafnarstjórn felur starfsmönnum að skoða frekari forsendur fyrir hafnargerðinni og leggja fyrir að nýju.

Lagðar fram til kynningar teikningar og kostnaðaráætlun fyrir nýja þjónustumiðstöð á Fáskrúðsfirði. Hafnarstjórn samþykkir þessa útfærslu málsins og felur sviðsstjóra framkvæmdasviðs að vinna málið áfram og leggja fyrir að nýju.

Erindi frá Thor Shipping dags. 31.desember 2020 þar sem óskað er eftir undanþágu frá lóðsskyldu að og frá Mjóeyrarhöfn fyrir Andrey Gilevskiy, skipstjóra á MV Sif W. Hafnarstjórn tekur erindið fyrir að nýju þegar skipstjóri hefur náð að uppfylla skilyrði um lágmarksfjölda koma.

Lögð fram til kynningar þinggerð Hafnasambandsþings 2020, sem haldið var þann 24.nóvember síðastliðinn.

Lagðar fram til kynningar fundargerðir frá 429. og 430. fundi Hafnasambands Íslands.

Sjávarútvegsráðstefnan 2021 verður haldin í Hörpu, dagana 11.-12. nóvember, en ráðstefnunni var frestað árið 2020.