Hafnarstjórn

Málefni vöktunar á Mjóeyrarhöfn lögð fyrir að nýju. Hafnarstjórn samþykkir tillögu í minnisblaði um útvíkkun þjónustusamnings um vöktun á hafnarsvæðinu á Mjóeyrarhöfn. Hafnarstjórn felur verkefnastjóra hafna og sviðsstjóra framkvæmdasviðs að ganga frá samningi.

Gjaldtaka á meltu frá fiskeldi í Fjarðabyggð. Hafnarstjórn samþykkir að setja meltu inn í gjaldskrá í vöruflokki 2.

Farið yfir stöðu mála vegna fóðurpramma Laxa Fiskeldis ehf. sem sökk við Gripalda.

Lögð fram beiðni Eimskips um undanþágur frá hafnsöguskyldu fyrir Karl Guðmundsson og Jón Inga Þórarinsson, skipstjóra á Brúarfossi. Hafnarstjórn samþykkir að veita umræddum skipstjórum undanþágu frá lóðsskyldu.

Lögð fram til kynningar áfangaskýrsla Menningarstofu vegna styrkja á árinu 2020 þar sem gerð er grein fyrir styrkúthlutun hafnarstjórnar til Menningarstofu 2020.

Lögð fram til kynningar umsögn vegna endurnýjunar heimavigtunarleyfis fiskimjölsverksmiðju Loðnuvinnslunnar.

Lögð fram til kynningar fundargerð 431. fundar Hafnasambands Íslands

Lagt fram erindi frá Jens Garðari Helgasyni, framkvæmdastjóra Laxa Fiskeldis ehf. Þar sem óskað er eftir lóð til langtímaleigu á Mjóeyrarhöfn. Hafnarstjórn samþykkir að fela starfsmönnum að taka upp viðræður við Laxa Fiskeldi ehf. á grundvelli umræðna á fundinum.

Lagt fram tilboð frá Límtré-Vírnet í nýja þjónustumiðstöð á Fáskrúðsfirði. Hafnarstjórn samþykkir tilboð frá Límtré-Vírnet. Jafnframt samþykkir hafnarstjórn að horfa til staðsetningar þjónustumiðstöðvar við Hafnargötu 39, Fáskrúðsfirði.