Hafnarstjórn

Lagt fram bréf Umhverfisstofnunar þar sem stofnunin tilkynnir að veitt hafi verið leyfi til umskipunar olíu frá flutningaskipi yfir í fóðurpramma í Fáskrúðsfirði. Hafnarstjórn lýsir furðu yfir og gerir athugasemdir við að leyfi til umskipunar olíu innan skilgreinds hafnarsvæðis Fjarðabyggðarhafna skuli veitt án samráðs við hafnaryfirvöld í Fjarðabyggð. Verkefnastjóra hafna er falið að afla frekari gagna og rökstuðnings frá Umhverfisstofnun vegna málsins. Jafnframt er málinu vísað til kynningar í Hafnasambandi Íslands vegna mögulegs fordæmisgildis.

Lögregla og Tollgæsla hafa óskað eftir því að fá aðgang að streymi öryggismyndavéla á Mjóeyrarhöfn. Á 258.fundi hafnarstjórnar var óskað eftir rökstuðningi frá lögreglunni og áliti frá persónuverndarfulltrúa áður en ákvörðun yrði tekin í málinu.
Lögð fram bréf lögreglu og tollayfirvöldum ásamt minnisblaði persónuverndarfulltrúa.
Hafnarstjórn frestar afgreiðslu málsins þar til lögfræðiálit hefur borist.

Lögð fram niðurstaða verðkönnunar í forsteyptar þybbueiningar, akkerisplötur og uppsetningu stormpolla. Hafnarstjórn samþykkir verkefnið og felur sviðsstjóra framkvæmdasviðs frágang málsins.

Grjótvarnir í Fjarðabyggð eru á samgönguáætlun fyrir þetta ár. Lagðar fram upplýsingar frá Vegagerðinni. Hafnarstjórn samþykkir að fara í framkvæmdina og felur sviðsstjóra framkvæmdasviðs að ganga frá samningi við Vegagerðina. Kostnaði verður mætt af liðnum óráðstafað í fjárhagsáætlun.

Tryggingar Fjarðabyggðarhafna ræddar. Tímabært er að endurskoða skilmála og fleira varðandi tryggingar hafnanna. Hafnarstjórn felur verkefnastjóra hafna að fara yfir tryggingar Fjarðabyggðarhafna í sambandi við heildarsamning sveitarfélagsins og samráði við TM.

Lögð fram til kynningar fundargerð 433. fundar Hafnasambands Íslands

Ársreikningur Hafnasambands Íslands lagður fram til kynningar

Lagður fram til kynningar ársreikningur Fiskmarkaðs Austurlands

Boðað hefur verið til aðalfundar Cruise Iceland 2021 sem haldinn verður 3.júní í Vestmannaeyjum, ef samkomutakmarkanir leyfa. Hafnarstjórn samþykkir að senda fulltrúa á fundinn.