Hafnarstjórn

Starfs- og fjárhagsáætlun Fjarðabyggðarhafna 2022 rædd. Hafnarstjórn ræddi forsendur starfs- og fjárhagsáætlun 2022 og felur hafnarstjóra, verkefnastjóra hafna og sviðstjóra framkvæmdasviðs að vinna áfram að áætluninni og leggja fyrir að nýju á næsta fundi.

Farið yfir undirbúning vegna byggingar nýrrar þjónustumiðstöðvar á Fáskrúðsfirði. Mannvit heldur utan um verðkönnun vegna jarðvinnu og uppsteypu.

Lagt fram til kynningar bréf sem sent var Samtökum fyrirtækja í sjávarútvegi sem svar við erindi þeirra vegna áforma um innheimtu vörugjalds. Hafnarstjórn vísar málinu til kynningar í Hafnasambandi Íslands.

Lögð fram til kynningar bréf sem send voru Umhverfis- og auðlindaráðuneytinu, Samgöngu og sveitastjórnarráðuneytinu og Fjármála- og efnahagsráðuneytinu ásamt Umhverfis- og samgöngunefnd Alþingis vegna umskipunar olíu á hafi innan hafnarsvæða og óhafntengdar þjónustu við fiskeldi. Hafnarstjórn vísar málinu til kynningar í Hafnasambandi Íslands.

Lögð fram til kynningar umsögn Fjarðabyggðar sem send var Atvinnuveganefnd Alþingis vegna tillögu til þingsályktunar um endurskoðun á laga- og reglugerðarumhverfi sjókvíaeldis, 640.mál.

Fundargerð 434. fundar Hafnasambands Íslands lögð fram til kynningar

Lögð fram tilkynning Fiskmarkaðs Austurlands hf. um greiðslu arðs.

Lagt fram bréf frá Björgunarsveitinni Geisla á Fáskrúðsfirði þar sem óskað er eftir styrk vegna kaupa á nýjum björgunarbáti. Hafnarstjórn samþykkir að veita Björgunarsveitinni Geisla styrk upp á 2 milljónir vegna kaupa á nýjum björgunarbáti.

Lögð fram beiðni um styrk frá Sjómannadagsráði Eskifjarðar til að standa straum af dagskrá Sjómannadagsins á Eskifirði 2021. Hafnarstjórn mun styrkja hátíðahöld vegna sjómannadags líkt og verið hefur. Verkefnastjóra hafna falið að vera í sambandi við forsvarsmenn hátíðahalda um framkvæmd þeirra og umfang í tengslum við gildandi sóttvarnareglur.