Hafnarstjórn

Vísað til umsagnar frá eigna-, skipulags- og umhverfisnefnd.
Lagt fram minnisblað umhverfisstjóra, dagsett 25. ágúst 2021, vegna innleiðingar umhverfis- og loftlagsstefnu Fjarðabyggðar 2020-2040. Í minnisblaði er farið yfir innleiðingu stefnunnar.
Eigna-, skipulags- og umhverfisnefnd samþykkir að innleiðing verði kynnt í öllum fastanefndum þar sem tilnefndir verða aðilar til að mynda starfshóp um innleiðingu í samræmi við minnisblað.
Hafnarstjórn tilnefnir formann hafnarstjórnar og verkefnastjóra hafna sem fulltrúa hafnarstjórnar í starfshópi.

Drög að starfs- og fjárhagsáætlun hafnarstjórnar 2022 lögð fram. Farið yfir drögin og vísað til áframhaldandi vinnu við fjárhagsáætlun.

Gjaldskrá Fjarðabyggðarhafna 2022 lögð fram til samþykkis. Hafnarstjórn samþykkir framlagða gjaldskrá samkvæmt umræðum á fundi og vísar henni til bæjarráðs.

Lögð fram uppfærð kostnaðaráætlun vegna jarðvinnu, burðarvirkis, lagna og frágangs Frystihúsbryggju á Eskifirði. Hafnarstjórn samþykkir uppfærða kostnaðaráætlun og felur sviðsstjóra framkvæmdasviðs að undirbúa og hefja útboðsferli.

Drög af viljayfirlýsingu milli Fjarðabyggðar og Rotterdamhafna lögð fram. Hafnarstjórn samþykkir framlögð drög af viljayfirlýsingu og felur hafnarstjóra að undirrita hana.

Lögð fram umsókn Austurbrúar ses. um styrk vegna verkefnisins Okkur að góðu. Hafnarstjórn samþykkir að veita umbeðinn styrk.

Sjávarútvegsráðstefnan 2021 verður haldin í Hörpu, dagana 11.-12. nóvember, en ráðstefnunni var frestað árið 2020. Skráning á ráðstefnuna hófst 8.október. Hafnarstjórn samþykkir að sækja ráðstefnuna ásamt starfsmönnum.

Fundargerð 437. fundar Hafnasambands Íslands lögð fram til kynningar.

Lögð fram umsókn frá Slökkviliði Fjarðabyggðar um svæði til æfinga á Mjóeyrarhöfn. Hafnarstjórn tekur vel í erindið og felur sviðsstjóra framkvæmdasviðs að útfæra það í samráði við slökkviliðsstjóra.