Hafnarstjórn

Tillaga stjórnkerfisnefndar að breyttu vinnufyrirkomulagi á höfnum lögð fram til samþykktar.
Hafnarstjórn samþykkir tillögu stjórnkerfisnefndar.

Umhverfisstofnun hefur unnið tillögu að starfsleyfi fyrir Fiskeldi Austfjarða hf. í Stöðvarfirði. Um er að ræða sjókvíaeldi á ófrjóum laxi með allt að 7.000 tonna lífmassa á hverjum tíma. Athugasemdir við starfsleyfistillöguna skulu vera skriflegar og sendar Umhverfisstofnun. Frestur til að skila inn athugasemdum er til 25. nóvember 2021.
Hafnarstjórn tekur undir bókun bæjarráðs frá 22. nóvember 2021.

Matvælastofnun hefur unnið tillögu að rekstrarleyfi fyrir Fiskeldi Austfjarða hf. til sjókvíaeldis á ófrjóum laxi í Stöðvarfirði. Tillagan er byggð á matsskýrslu frá 2020 um eldi á 7.000 tonnum af laxi í Stöðvarfirði.
Athugasemdir við tillöguna skulu vera skriflegar og sendar Matvælastofnun á mast@mast.is. Frestur til að skila inn athugasemdum er til 24. nóvember 2021.
Hafnarstjórn tekur undir bókun bæjarráðs frá 22. nóvember 2021.

Kaup á munum fyrir Íslenska Stríðsárasafnið á Reyðarfirði. Hafnarstjórn samþykkir að styrkja Íslenska Stríðsárasafnið á Reyðarfirði um kaup á munum.

Hafnarstjórn samþykkti á 262.fundi sínum að segja upp aðild að Cruise Europe. Aðild skal segja upp fyrir 15. desember fyrir árið á eftir og er málið lagt fyrir aftur til umræðu í stærra samhengi. Hafnarstjórn samþykkir að aðild að Cruise Europe verði ekki sagt upp fyrir árið 2022. Einnig felur hafnarstjórn atvinnu- og þróunarstjóra í samvinnu við verkefnastjóra hafna að ræða við aðrar nefndir og hagaðila um málið með stefnumótun í huga.

Lögð fram umsókn Ferils ehf., verkfræðistofu, f.h. Skeljungs um leyfi fyrir eldsneytistanki og bátadælu á Norðfjarðarhöfn. Hafnarstjórn tekur vel í erindið og felur sviðsstjóra framkvæmdasviðs að ræða við Heilbrigiseftirlit Austurlands um staðsetningu og stærðir og vera í samskiptum við Feril ehf. í kjölfarið.

Lögð fram sem trúnaðarmál til kynningar drög að skýrslu Rannsóknarefndar samgönguslysa. Óskað er umsagnar fyrir 10. desember 2021.

Lagðar fram til kynningar upplýsingar frá umboðsaðila Damen á Íslandi um nýjungar í dráttarbátum. Um er að ræða framtíðarverkefni Fjarðabyggðarhafna og er verkefnastjóra hafna falið að afla frekari upplýsinga og leggja fyrir að nýju.

Útboð hefur verið auglýst í byggingu Frystihúsbryggju á Eskifirði. Útboði lýkur miðvikudaginn 8. desember 2021 kl. 14:00.

Lögð fram minnisblöð Portum verkfræðistofu ehf. með tillögum að stækkun Mjóeyrarhafnar og breytingu á deiliskipulagi. Hafnarstjórn samþykkir að fara í breytingu á deiliskipulagi og vísar málinu til eigna-, skipulags- og umhverfisnefndar.

Fundargerðir 438. og 439. funda stjórnar Hafnasambands Íslands lagðar fram til kynningar.