Hafnarstjórn

Á 269.fundi hafnarstjórnar var verkefnastjóra hafna og fjármálastjóra falið að vinna viðauka fyrir framkvæmdir á árinu 2021. Lögð fram gögn vegna viðauka. Hafnarstjórn fór yfir viðauka þar sem fram koma upplýsingar um framkvæmdir sem samþykkt var að fara í á árinu umfram fjárhagsáætlun. Hafnarstjórn samþykkir viðauka og vísar honum til bæjarráðs.

Minnisblöð Portum verkfræðistofu ehf. um tillögu að breytingu hafnarinnar á Eskifirði lögð fram til kynningar. Hafnarstjórn kynnti sér tillögurnar og mun taka þær fyrir aftur þegar nær dregur verktíma.

Lagt fram minnisblað Portum verkfræðistofu ehf. um hafnarsvæði við Landanaust á Norðfirði. Hafnarstjórn fór yfir tillögur og vísar þeim til frekari skoðunar hjá sviðsstjóra framkvæmdasviðs og hafnarstjóra.

Þróun hafnarsvæða Fjarðabyggðarhafna. Trúnaðarmál. Hafnarstjórn ræddi málið og vísar því til frekari vinnslu verkefnastjóra hafna.

Erindi frá Royal Arctic Line dags. 30. nóvember 2021 þar sem óskað er eftir undanþágu frá lóðsskyldu að og frá Mjóeyrarhöfn fyrir Thorkil Clausen Riis, skipstjóra á Tukuma Arctica. Hafnarstjórn samþykkir umbeðna undanþágu.

Sérstakt strandveiðigjald til hafna lagt fram til kynningar