Hafnarstjórn

Miðvikudaginn 8.desember voru opnuð tilboð í byggingu Frystihúsbryggju á Eskifirði. Eitt tilboð barst í verkið frá MVA ehf. sem var 163% af kostnaðaráætlun. Hafnarstjórn hafnar tilboðinu og felur sviðsstjóra framkvæmdasviðs að yfirfara kostnaðaráætlunina og tilboðið, leita samninga við MVA ehf og leggja fyrir hafnarstjórn að nýju. Vísað til staðfestingar bæjarráðs.

Lögð fram drög að svari hafnarstjórnar Fjarðabyggðar við viðbótarumsögn Vegagerðarinnar vegna tilkynningar um framkvæmd breytingar á eldisfyrirkomulagi í Reyðarfirði.
Hafnarstjórn samþykkir drög að svari og felur atvinnu- og þróunarstjóra að svara Vegagerðinni í samræmi við umræður á fundinum.

Erindi frá Royal Arctic Line dags. 7. desember 2021 þar sem óskað er eftir undanþágu frá lóðsskyldu að og frá Mjóeyrarhöfn fyrir Jacob Meyer Skou, skipstjóra á Tukuma Arctica.
Hafnarstjórn samþykkir að veita umbeðna undanþágu.

Lögð fram til kynningar umsögn vegna endurnýjunar heimavigtunarleyfis fiskimjölsverksmiðju Síldarvinnslunnar