Hafnarstjórn

Martijn Coopman frá Rotterdamhöfn kom inn á fundinn og kynnti hugmyndir Rotterdamhafnar um aukið samstarf.

Lagt fram endurskoðað og yfirfarið tilboð MVA ehf. í byggingu Frystihúsbryggju á Eskifirði. Breyttar forsendur voru ræddar á fundinum. Hafnarstjórn samþykkir að ganga til samninga við MVA ehf. sem var eini bjóðandi í verkið. Hafnarstjórn vísar málinu til bæjarráðs.

Lagt fram erindi frá Eskju varðandi dýpi við Löndunar- og Nótabryggju á Eskifirði. Hafnarstjórn felur sviðsstjóra framkvæmdasviðs að gera skoðun og dýptarmælingu við bryggjurnar og grípa til aðgerða í samræmi við það.

Fundargerð 440. fundar Hafnasambands Íslands lögð fram til kynningar

Framlagt erindi Menningarstofu Fjarðabyggðar þar sem óskað er eftir styrk vegna verkefna á vegum menningarstofu á árinu 2021. Hafnarstjórn samþykkir umbeðinn styrk.

Lögð fram beiðni frá Hildibrand SFL um styrk vegna fyrirhugaðra lagfæringa og stækkunar á bryggju við Beituskúrinn, Nesgötu 43, Neskaupstað. Hafnarstjórn samþykkir að veita styrk í samræmi við reglur Fjarðabyggðarhafna um styrki til viðhalds og endurgerðar gamalla bryggja.