Hafnarstjórn

Bæjarráð hefur tekið fyrir umsagnarbeiðni vegna þingsályktunar um endurskoðun á laga- og reglugerðaumhverfi sjókvíaeldis. Málið lagt fram til kynningar í hafnarstjórn. Hafnarstjórn tekur undir hugmyndir bæjarráðs að umsögn um málið.

Lögð fram umsagnarbeiðni Laxa Fiskeldis vegna breytinga á eldisfyrirkomulagi í Reyðarfirði.
Hafnarstjórn felur atvinnu- og þróunarstjóra að vinna umsögn í samræmi við fyrri umsagnir um málið.

Lögð fram beiðni Guðröðar Hákonarsonar, fyrir hönd Hildibrand slf., um fund með hafnarstjórn vegna sjóvarna við Beituskúrinn, Egilsbraut 26, Neskaupstað.
Hafnarstjórn felur sviðstjóra framkvæmdasviðs að vinna kostnaðargreiningu á gerð sjóvarna neðan við Egilsbraut 22 og 26 og leggja fyrir næsta fund.

Erindi frá Samskip dags. 14. október 2022 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Yevhen Hrushevinchuk, skipstjóra á MS Samskip Hoffell.
Hafnastjórn samþykkir umbeðna undanþágu.

Endurskoðun á skilyrðum veitingar undanþágu frá hafnsögu í Fjarðabyggðarhöfnum.
Hafnarstjórn felur verkefnastjóra hafna að yfirfara reglurnar og leggja fyrir að nýju.