Hafnarstjórn

Á 291. fundi hafnarstjórnar var lagt fram sem trúnaðarmál minnisblað sviðsstjóra framkvæmdasviðs er varðaði rekstur dráttarbátsins Vattar. Hafnarstjórn fól hafnarstjóra og sviðsstjóra framkvæmdasviðs að vinna málið áfram og leggja fyrir hafnarstjórn að nýju. Lagt fram sem trúnaðarmál að nýju. Hafnarstjórn samþykkir að fyrirkomulag á rekstri Vattar verði óbreytt að sinni.

Farið yfir stöðu verkefnisins og næstu skref.

Lögð fram teikning af stækkun Strandarbryggju á Fáskrúðsfirði. Hafnarstjórn samþykkir að fela sviðsstjóra framkvæmdasviðs að hefja vinnu útboðsgagna og leggja fyrir að nýju.

Farið yfir stöðu verkefnisins og næstu skref. Góður gangur er í uppbyggingu hússins og stefnt er á að framkvæmdum verði lokið í vor.

Lagt fram minnisblað verkefnastjóra hafna, upplýsingafulltrúa og atvinnu- og þróunarstjóra varðandi markaðs- og kynningarmál Fjarðabyggðarhafna. Hafnarstjórn samþykkir að fara í uppsetningu á vef fyrir hafnirnar og felur verkefnastjóra í samstarfi við upplýsingafulltrúa að kanna með fleiri kosti í uppsetningu.

Lögð fram kynning á Dokk-Skipakerfi ásamt tilboði í uppsetningu kerfisins fyrir Fjarðabyggðarhafnir. Hafnarstjórn líst ágætlega á kerfið og skoðar það frekar þegar ný heimasíða hafnanna verður komin í loftið.

Lögð fram til kynningar umsögn vegna endurnýjunar heimavigtunarleyfis fiskimjölsverksmiðju Loðnuvinnslunnar.

Drög að ársreikningi Hafnasambands Íslands lögð fram til kynningar