Hafnarstjórn

Erindi frá Eimskip dags. 27.febrúar 2023 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Ágúst Pál Tómasson, skipstjóra á Dettifossi. Hafnarstjórn samþykkir beiðni Eimskips um undanþágu.

Lögð fram niðurstaða verðkönnunar í staura fyrir framkvæmdina "Lenging Strandarbryggju". Hafnarstjórn samþykkir að taka tilboði RJR og felur sviðsstjóra framkvæmdasviðs frágang og hafnarstjóra undirritun skjala þar um.

Á 292.fundi hafnarstjórnar samþykkti hafnarstjórn að fara í uppsetningu á vef fyrir hafnirnar og fól verkefnastjóra í samstarfi við upplýsingafulltrúa að kanna með fleiri kosti í uppsetningu. Lagt fram minnisblað verkefnastjóra og upplýsingafulltrúa þar sem farið er yfir kosti í uppsetningu vefs fyrir hafnirnar. Hafnarstjórn samþykkir að fara í gerð vefs og felur verkefnastjóra hafna að vera í samstarfi við upplýsingafulltrúa um útfærslu vegna uppfærslu á heimasíðu sveitarfélagsins.

Lögð fram beiðni frá Hafþóri Eide Hanssyni um umsögn hafnarstjórnar vegna endurnýjunar hafnsögumannsskírteinis. Hafnarstjórn samþykkir að veita umbeðna umsögn og felur verkefnastjóra hafna að ganga frá henni.

Umsókn um styrk vegna Franskra daga 2023. Hafnarstjórn samþykkir að veita sambærilegan styrk og síðustu ár.

Umsókn um styrk fyrir bæjarhátíðina Stöð í Stöð 2023. Hafnarstjórn samþykkir að veita umbeðinn styrk.

Lagt fram til kynningar leyfi Fiskistofu vegna dýpkunar við Frystihússbryggjuna á Eskifirði.

Lögð fram til kynningar samantektarskýrsla frá vinnustofunni "Hafið tekur ekki lengur við" sem fór fram 3.nóvember síðastliðinn.

Lögð fram til kynningar fundargerð 450. fundar Hafnasambands Íslands