Hafnarstjórn

Eimskip hefur óskað eftir leyfi til að koma fyrir öðrum hafnarkrana til viðbótar á vestari hluta Mjóeyrarhafnar. Málið kynnt og verður tekið fyrir að nýju þegar gögn liggja fyrir.

Erindi frá Samskip dags. 19. júlí 2023 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Aleksei Korchin, skipstjóra á Mv Sif W. Hafnarstjórn samþykkir umbeðna undanþágu.

Erindi frá Thor Shipping dags. 10. ágúst 2023 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Sergey Konovalenko, skipstjóra á Mv Frigg W. Hafnarstjórn samþykkir umbeðna undanþágu.

Erindi frá Thor Shipping dags. 25. ágúst 2023 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Aleksei Korchin, skipstjóra á Mv Sif W. Hafnarstjórn samþykkir umbeðna undanþágu.

Öryggismál hafna rædd. Starfsmenn fyrirtækja sem starfa á höfnum í Fjarðabyggð hafa lýst yfir áhyggjum af öryggismálum á höfnum í Fjarðabyggð þar sem umferð almennings er mikil. Hafnarstjórn felur hafnarstjóra og verkefnastjóra hafna að vinna málið áfram og leggja fyrir að nýju.

Mikið hefur borið á mengun í höfnum Fjarðabyggðar síðustu mánuði. Mengunarmál rædd. Hafnarstjórn þakkar kynninguna og felur hafnarstjóra og verkefnastjóra hafna að vinna málið áfram og leggja fyrir að nýju.

Lagt fram til kynningar og umræðna fréttabréf Cruise Iceland og grein á heimasíðu samtakanna vegna nýlegra staðhæfinga um mengun skemmtiferðaskipa. Hafnarstjórn þakkar kynninguna.

Ráðstefnan Lagarlíf verður haldin 12.-13.október á Grand Hótel Reykjavík. Efnistök ráðstefnunnar verða fiskeldi í sjó og á landi ásamt skel- og þörungarækt. Hafnarstjórn samþykkir að senda fulltrúa á ráðstefnuna.

Sjávarútvegsráðstefnan 2023 verður haldin í Hörpu 2.-3. nóvember næstkomandi. Dagskrá ráðstefnunnar hefur nú verið gefin út. Hafnarstjórn samþykkir að senda fulltrúa á ráðstefnuna.

Lögð fram styrkumsókn frá Útsæði - bæjarhátíð á Eskifirði. Hafnarstjórn samþykkir að veita umbeðinn styrk.

Lögð fram til kynningar beiðni Eskju um umsögn vegna endurnýjunar heimavigtunarleyfis uppsjávarfrystihúss fyrirtækisins.

Lögð fram til kynningar fundargerð 454. og 455. fundar Hafnasambands Íslands