Hafnarstjórn

Farið yfir stöðuna við gerð starfs- og fjárhagsáætlunar fyrir árið 2024. Verkefnastjóra hafna falið að taka saman helstu áherslur í minnisblaði sem mun fylgja fjárhagsáætlun.

Gjaldskrá Fjarðabyggðarhafna lögð fram til umræðu. Hafnarstjórn samþykkir að gjaldskrá taki mið af verðlagsbreytingum og launavísitölu þar sem við á. Verkefnastjóra hafna falið að ganga frá gjaldskrá í samræmi við samþykkt hafnarstjórnar.

Lögð fram ósk Mannvits, fyrir hönd Gallons ehf., um leyfi til að endurnýja olíulögn við athafnasvæði Eskju á Eskifirði þar sem eldri lögn er ónýt. Hafnarstjórn samþykkir lagningu nýrrar olíulagnar en áréttar að framkvæmdaaðili hagi framkvæmd þannig að hún raski ekki annarri starfsemi á höfninni.

Boðun á Hafnafund 2023 sem haldinn verður 20. október í Hafnarfirði

Lagt fram til kynningar bréf Hafnasambands Íslands til allra aðildarhafna varðandi samstarfsfundi Hafnasambands Íslands og Fiskistofu

Lögð fram til kynningar fundargerð 456. fundar Hafnasambands Íslands