Hafnarstjórn

Áframhaldandi umræða um starfs- og fjárhagsáætlun Fjarðabyggðarhafna fyrir árið 2025. Hafnarstjórn samþykkir framlagt minnisblað og vísar til fjármálastjóra til fjárhagsáætlunargerðar.

Farið yfir stöðu framkvæmda við nýja Frystihússbryggju á Eskifirði. Hafnarstjórn þakkar kynninguna.

Farið yfir öryggismál hafna. Hafnarstjórn þakkar kynninguna á því sem er að gerast í þeim efnum og felur verkefnastjóra hafna að halda öryggismálunum áfram í forgrunni.

Lögð fram ósk Hauks Ingólfssonar um leyfi til aðgangs að Norðfjarðarvita vegna þátttöku með verkefnið ÓM í listahátíðinni Innsævi, menningar- og listahátíðar Fjarðabyggðar. Hafnarstjórn samþykkir að veita aðgang að vitanum en minnir á öryggismálin og felur Menningarstofu að hafa eftirlit með framkvæmd verkefnisins.