Hafnarstjórn

Áframhaldandi umræða um starfs- og fjárhagsáætlun 2025. Hafnarstjórn samþykkir framlögð gögn og vísar til áframhaldandi vinnu við fjárhagsáætlun 2025.

Drög að gjaldskrá 2024 lögð fram til samþykkis. Hafnarstjórn samþykkir framlögð drög að gjaldskrá en felur verkefnastjóra hafna að vinna áfram að útfærslum í samræmi við umræður á fundinum og leggja fyrir að nýju til samþykktar.

Verkleg mengunarvarnaæfing var haldin í Fjarðabyggðarhöfnum miðvikudaginn 16.október síðastliðinn. Landhelgisgæslan, Umhverfisstofnun, Samgöngustofa og Fjarðabyggðarhafnir stóðu fyrir þessari sameiginlegu æfingu ásamt því að Heilbrigðiseftirlit Austurlands og slökkvilið Fjarðabyggðar tóku þátt. Farið yfir framgang æfingarinnar og næstu skref. Hafnarstjórn þakkar kynninguna.

Framlögð beiðni menningarstofu Fjarðabyggðar um styrk til menningarmála á árinu 2024. Hafnarstjórn samþykkir umbeðinn styrk.

Lögð fram beiðni Síldarvinnslunnar um umsögn vegna endurnýjunar heimavigtunarleyfis fiskiðjuvers fyrirtækisins. Hafnarstjórn samþykkir að veita umsögn vegna endurnýjunar.

Lagt fram til kynningar boð á fund með vinnuhóp Alþjóðahafrannsóknaráðsins sem rannsakar vistkerfi Noregshafs og þróar aðferðir fyrir vistfræðilega stjórnun á nýtingu Noregshafs með áherslu á uppsjávarfiskastofna. Fundurinn verður haldinn 6. nóvember í húsnæði Hafrannsóknarstofnunar.