Hafnarstjórn

Farið yfir stöðu framkvæmda á árinu 2024. Hafnarstjórn þakkar verkefnastjóra hafna fyrir yfirferð á stöðunni.

Lögð fram ítrekuð ósk Tollgæslunnar um aðgang að eftirlitsmyndavélum hafna Fjarðabyggðar ásamt uppfærðu lögfræðiáliti vegna beiðninnar. Hafnarstjórn felur hafnarstjóra og verkefnastjóra hafna að afla meiri gagna og vinna málið áfram.

Lagt fram til kynningar endurmat verklegrar mengunarvarnaæfingar sem fram fór í Fjarðabyggðarhöfnum í október. Hafnarstjórn þakkar kynninguna og felur verkefnastjóra hafna að færa nauðsynlegar aðgerðir undir öryggismál hafna.

Lögð fram til kynningar bréf frá Cruise Iceland varðandi ný lög um innviðagjald og gistináttaskatt ásamt frestunar á afnámi tollfrelsis. Hafnarstjórn þakkar kynninguna.

Lögð fram tilkynning um greiðslu arðs ásamt fundargerð aðalfundar og ársreikningi Fiskmarkaðs Austurlands. Hafnarstjórn þakkar kynninguna og lýsir yfir ánægju sinni með góða afkomu síðasta árs og þakkar starfsmönnum Fiskmarkaðarins fyrir vel unnin störf.

Lögð fram til kynningar fundargerð 467.fundar stjórnar Hafnasambands Íslands.