Hafnarstjórn

Lögð fram minnisblöð frá Sigurði Áss Grétarssyni vegna fyrirhugðra framkvæmda Loðnuvinnslunnar. Ljóst er að fara þarf í endurbætur á Innri og ytri löndunarbryggjum á Fáskrúðsfirði og er sviðsstjóra skipulags- og framkvæmdasviðs falið að afla frekari upplýsinga og gagna.

Erindi frá Torcargo ehf. dags. 5. mars 2025 þar sem óskað er eftir undanþágu frá hafnsöguskyldu að og frá Mjóeyrarhöfn fyrir Igor Sinkevych, skipstjóra á Mv Sif W. Hafnarstjórn samþykkir að umbeðin undanþága verði gefin út þegar öll gögn liggja fyrir.

Mál varðandi smábátahafnir Fjarðabyggðarhafna rædd. Ljóst er að fara þarf í dýpkun smábátahafna í Fjarðabyggð og er verkefnastjóra hafna falið að leita frekari upplýsinga um kostnað og framkvæmd og leggja fyrir að nýju.

Komið er að viðhaldi hafnarvogarinnar á Reyðarfirði og skoða þarf hvaða möguleikar eru í stöðunni. Hafnarstjórn felur sviðsstjóra skipulags- og framkvæmdasviðs og verkefnastjóra hafna að afla frekari gagna fyrir fjárhagsáætlunargerð 2026.

Almenn umræða um málefni Fjarðabyggðarhafna