Hafnarstjórn

Lögð fram kostnaðaráætlun EFLU fyrir fyrirhugaðar framkvæmdir á hafnarsvæðinu við Frystihússbryggjuna á Eskifirði.

Hafnarstjórn samþykkir að hefja undirbúning útboðs á verkinu á grundvelli fyrirliggjandi gagna.

Lagt fram erindi frá Dal-Björgu þar sem lýst er yfir áhuga á samstarfi um dýpkun hafna fyrir Fjarðabyggð.

Hafnarstjórn þakkar erindið og felur verkefnastjóra hafna að ræða við forráðamenn Dal-Bjargar. Þá er verkefnastjóra hafna og sviðsstjóra umhverfis- og framkvæmdasviðs falið að hefja vinnu við verðkönnun á dýpkun með langarmagröfum og flutningi á efnis upp á land.

Lögð fram gögn um þær endurbætur sem nauðsynlegar eru á Innri og ytri löndunarbryggjum á Fáskrúðsfirði með tilliti til fyrirhugaðra framkvæmda Loðnuvinnslunnar ásamt tillögu Loðnuvinnslunnar að breytingu deiliskipulags á athafnasvæði fyrirtækisins.

Hafnarstjórn fór yfir gögnin en vísar breytingu á deiliskipulagi til umfjöllunar í skipulags- og framkvæmdanefnd.

Framlagt minnisblað verkefnastjóra hafna varðandi viðgerð á stálþili norðurkants Bræðslubryggjunnar á Eskifirði. Framkvæmdum við viðgerðina er lokið.

Framlögð framvinduskýrsla vegna framkvæmda við landmótun og landfyllingu á Mjóeyrarhöfn en verkið hefur gengið vel að undanförnu og þessi þáttur verksins er langt á veg komin.

Hafnarstjórn þakkar fyrir kynninguna.

Yfirferð og umræða um stöðu mála á úrbótum í öryggismálum Fjarðabyggðarhafna. Framlagt minnisblað verkefnastjóra hafna varðandi málið, en að undanförnu hefur verið fundað með hagsmunaðaðilum.

Hafnarstjórn þakkar fyrir kynninguna og fagnar jákvæðri umræðu hagsmunaaðila varðandi aukna öryggisvitund á höfnum Fjarðabyggðar.

Verkefnastjóra hafna falið að vinna málið áfram og leggja fyrir hafnarstjórn að nýju.

Lögð fram tillaga verkefnastjóra hafna og stjórnanda byggingar-, skipulags- og umhverfisdeildar um aukið öryggi á hafnarsvæði Norðfjarðarhafnar. Skipulags- og framkvæmdanefnd hefur samþykkti tillöguna fyrir sitt leyti vísaði erindinu til hafnarstjórnar.

Verkefnastjóra hafna er falið að fá verð í aðgangsstýringar í samræmi við minnisblað og leggja fyrir hafnarstjórn að nýju.

Lögð fram til kynningar bókun bæjarráðs frá 17. mars sl.

Hafnarstjórn þakkar fyrir kynninguna.

Lagt fram erindi frá Björgunarbátasjóð SVFÍ Neskaupstað vegna endurnýjunar björgunarskipsins Hafbjargar. Í erindinu er þess farið á leit að hafnarsjóður styrki endurnýjunina.

Hafnarstjórn þakkar fyrir erindið og tekur jákvætt í það. Hafnarstjóra falið að ræða við hagsmunaaðila og leggja erindið fyrir að nýju.

Aðalfundur Fiskmarkaðs Austurlands var haldinn mánudaginn 24. mars. Hafnarstjóri og sviðsstjóri fjármála- og greiningarsviðs voru fulltrúar Fjarðabyggðar á fundinum.

Hafnarstjórn þakkar kynninguna.