Hafnarstjórn

Lögð fram kostnaðaráætlun vegna endurbóta á Innri- og ytri löndunarbryggju á Fáskrúðsfirði. Hafnarstjórn samþykkir að fara í styrkingu á Ytri löndunarbryggju og felur starfsmönnum að afla frekari gagna frá fyrirtækinu vegna Innri löndunarbryggju. Stjórnanda Fjarðabyggðarhafna falið að fara yfir fjárhagsáætlun og leggja fyrir hvar kostnaði fyrir verkið verður mætt.

Á 323.fundi hafnarstjórnar var óskað eftir frekari gögnum varðandi hafnarvog á Reyðarfirði. Lagt fram innra vinnuskjal til undirbúnings fjárhagsáætlunar 2026. Hafnarstjórn felur starfsmönnum að afla frekari upplýsinga og leggja fyrir að nýju.

Umsókn um styrk vegna Franskra daga 2025. Hafnarstjórn samþykkir að veita styrk í samræmi við styrkveitingar síðustu ár.

Lagt fram bréf Sjávarútvegsskóla unga fólksins er varðar samstarf og kostnaðarþátttöku sumarið 2025. Hafnarstjórn samþykkir að veita styrk í samræmi við styrkveitingar síðustu ár.

Lagt fram erindi frá Björgunarsveitinni Brimrúnu á Eskifirði um söfnun vegna fyrirhugaðrar endurnýjunar björgunarbáts sveitarinnar. Hafnarstjórn tekur vel í erindið og felur hafnarstjóra og stjórnanda Fjarðabyggðarhafna að funda með forsvarsmönnum Brimrúnar.

Lagt fyrir að nýju og farið yfir uppfærða stöðu á vöktun erlendra farmskipa í Fjarðabyggðarhöfnum.

Farið yfir fyrirhugað skipulag í tengslum við slipptöku Vattar.

Þann 11.-23.maí næstkomandi verður árlegt umhverfisátak Fjarðabyggðar "Vor í Fjarðabyggð" haldið og munu Fjarðabyggðarhafnir taka þátt í því. Hafnarstjórn hvetur fyrirtæki til að taka virkan þátt í átakinu með tiltekt og fegrun umhverfis síns.

Aðalfundur Cruise Iceland verður haldinn í Hofi á Akureyri þann 30.apríl næstkomandi. Stjórnandi Fjarðabyggðarhafna og starfsmaður sækja fundinn fyrir hönd Fjarðabyggðarhafna.

Lögð fram til kynningar fundargerð aðalfundar Fiskmarkaðs Austurlands sem fór fram á Eskifirði mánudaginn 24. mars síðastliðinn ásamt ársreikningi 2024 og tilkynningu um greiðslu arðs.

Fundargerðir 470. og 471. fundar stjórnar Hafnasambands Íslands lagðar fram til kynningar