Mannvirkja og veitunefnd

Lögð fram lokaskýrsla Eflu vegna innivistar í Grunnskóla Eskifjarðar sem skilað var 19.apríl. Bæjarstjóri fór yfir ráðstafanir til að tryggja skólastarf út skólaárið vegna lokunar á 1.hæð grunnskólans. Unnið er að á framkvæmdarsviði að áætlun um viðgerðir við skólann á sumri komandi. Tekið fyrir hjá nefndinni á næsta fundi þegar áætlun liggur fyrir.

Lagður fram viðauki sem trúnaðarmál við samning um malbikunarstöð vegna efnistöku í Reyðarfirði. Mannvirkja og veitunefnd samþykkir viðaukan og felur bæjarstjóra frágang hans og undirritun.

Erindi sumarhúsaeiganda í Seldal lagt fram er varðar tengingu á vatnsveitu við sumarhúsabyggðina. Forstöðumanni veitna falið að afla frekari upplýsinga og leggja fyrir nefndina á nýju.

Framlagður samningur við Mílu varðandi fjarskiptamastur á Fjarðabyggðarhöllinni. Nefndir samþykkir samninginn fyrir sitt leiti og vísar til afgreiðslu bæjarráðs.

Erindi frá stjórendum grunnskóla Reyðarfjarðar er varðar skipulag á skólalóð. Nefndir þakkar fyrir erindið og mun taka það inní fjárhagsáætlunar vinnu fyrir komandi ár. Framkvæmdasviði falið að halda utan um málið.

Vísað frá bæjarráði niðurstöður vegna úrgangsmála í Fjarðabyggð. Nefndin mun taka uppsetningu og rekstur grenndarstöðva til frekari útfærslu í tengslum við fjárhagsáætlunargerð. Vísað til verkefnastjóra umhverfismála til vinnslu. Áfram verður unnið að innleiðingu klippikorta 1.júní næstkomandi samkvæmt fyrri samþykktum.