Mannvirkja og veitunefnd

Starfs- og fjárhagsáætlun Mannvirkja- og veitunefndar 2023. Mannvirkja- og veitunefnd felur sviðstjóra að útfæra fjárhagsáætlun nefndarinnar í samræmi við umræður á fundinum og vísað til endanlegrar ákvörðunar bæjarráðs.

Gjaldskrá vatnsveitu Fjarðabyggðar 2023 lögð fram til umfjöllunar. Mannvirkja- og veitunefnd vísar gjaldskrá vatnsveitu Fjarðabyggðar til endanlegrar afgreiðslu bæjarráðs.

Gjaldskrá hitaveitu Fjarðabyggðar 2023. Mannvirkja- og veitunefnd vísar gjaldskrá Hitaveitu Fjarðabyggðar til endanlegrar afgreiðslu bæjarráðs.

Gjaldskrá fjarvarmaveitu 2023 tekin til umræðu. Mannvirkja- og veitunefnd vísar gjaldskrá fjarvarmaveitu Fjarðabyggðar til endanlegrar afgreiðslu bæjarráðs.

Erindi frá áhugahóp um Fjölskyldu-og útivistarsvæði á Fáskrúðsfirði. Mannvirkja- og veitunefnd þakkar erindið og felur sviðstjóra að ræða við fjölskyldu- og útivistarsvæðis á Fáskrúðsfirði.

Stjórn menningarstofu og safnastofnunar vísar til mannvirkja- og veitunefndar að kanna með hagræðingu orkukaupa vegna reksturs húsnæðis í málaflokknum. Þar er átt við m.a. félagsheimili og söfn og tækifæri til útboðs orkukaupa. Mannvirkja- og veitunefnd felur forstöðumanni veitna að skoða innkaup á orku.

Fram lagt erindi frá UNICEF á Íslandi til Fjarðabyggðar um tækifæri barna til áhrifa og ungmennaráð.
Bæjarráð vísaði erindinu til nefnda sveitarfélagsins til umfjöllunar. Mannvirkja- og veitunefnd tekur vel í erindi frá UNICEF á Íslandi og mun halda áfram að skapa barnavænar leiðir til þáttöku.

Vísað frá bæjarráði til umfjöllunar og kostnaðargreiningar mannvirkja- og veitunefndar fyrirspurn Íbúasamtaka á Stöðvarfirði um framtíð tjaldsvæðisins á Stöðvarfirði og staðsetningu þess á íþróttavelli. Mannvirkja- og veitunefnd bíður með að svara erindinu á meðan verið er að klára minnisblað varðandi tjaldsvæði í Fjarðabyggð.

Gjaldskrá fráveitu 2023 tekin til umræðu. Mannvirkja- og veitunefnd vísar gjaldskrá fráveitu Fjarðabyggðar til endanlegrar afgreiðslu bæjarráðs.