Menningar- og nýsköpunarnefnd

Endurskoðuð drög menningarstefnu lögð fram. Menningar- og nýsköpunarnefnd vísar drögum að menningarstefnu til fastanefnda til kynningar.

Minnisblað upplýsinga- og kynningarfulltrúa um tilhögun hátiðahalda 17. júní 2019 í Fjarðabyggð. Bæjarráð hefur óskað eftir að menningar- og nýsköpunarnefnd leggi fram tillögu að fyrirkomulagi 17.júní. Menningar- og nýsköpunarnefnd er sammála tillögu í minnisblaði um að hátíðahöldin færist á milli byggðakjarna. Nefndin telur rétt að í samningi bæjarins og framkvæmdaraðila hverju sinni, liggi fyrir kostnaðaráætlun hátíðarinnar og greiðslur og skyldur samningsaðila séu skilgreindar.

Minnisblað upplýsinga- og kynningarfulltrúa vegna fyrirkomulags viðburða við tendrun jólaljósa 2019. Bæjarráð hefur óskað eftir við menningar- og nýsköpunarnefnd að nefndin leggi fram tillögu að fyrirkomulagi tendrunar jólaljósa 2019. Menningar- og nýsköpunarnefnd er sammála um að leitað verði eftir samstarfi við leik- og grunnskóla um framkvæmd tendrunar ljósa á jólatrjánum. Fræðslustjóra og upplýsinga- og kynningarfulltrúa falið að útfæra og framkvæma tillöguna.

Beiðni um styrk vegna þýðingar og útgáfu á bókinni Tindar og Toppar á ensku. Menningar- og nýsköpunarnefnd hefur ekki tök á að veita styrk.

Beiðni Hrafnkels Lárussonar um styrk vegna sagnfræðirannsóknar. Menningar- og nýsköpunarnefnd hefur ekki tök á að veita styrk.

Lögð fram að nýju drög að umhverfisstefnu Fjarðabyggðar 2018-2022.
Eigna-, skipulags- og umhverfisnefnd vísaði drögum að umhverfisstefnu Fjarðabyggðar 2018-2022 til umfjöllunar menningar- og nýsköpunarnefndar, félagsmálanefndar, fræðslunefndar, hafnarstjórnar, íþrótta- og tómstundanefndar, landbúnaðarnefndar, ungmennaráðs og safnanefndar.

Fundargerð stjórnar Héraðsskjalasafnsins frá 20.febrúar 2019, lögð fram til kynningar.

Fundargerð safnanefndar nr. 7 lögð fram til umfjöllunar og kynningar. Menningar- og nýsköpunarnefnd samþykkir fundargerð safnanefndar nr. 7 með 5 atkvæðum.

Fundargerð safnanefndar nr. 8 lögð fram til umfjöllunar og kynningar. Menningar- og nýsköpunarnefnd samþykkir fundargerð safnanefndar nr. 8 með 5 atkvæðum.