Menningar- og nýsköpunarnefnd

Lagður fram rammi að fjárhagsáætlun fyrir málaflokk 05, Menningarmál á árinu 2020 sem bæjarráð hefur úthlutað nefndinni sbr. meðfylgjandi bréf. Fjármálastjóri fylgdi bréfinu eftir.
Menningar- og nýsköpunarnefnd heldur áfram vinnu við áætlunargerð 2020 á næsta fundi. Áætlun verði mótuð að útgefnum fjárhagsramma og lögð fyrir nefndina.

Vísað frá bæjarráði til nefndarinnar bréfi Íbúasamtaka Reyðarfjarðar er varðar Hernámsdaginn á Reyðarfirði. Menningar- og nýsköpunarnefnd fagnar framtaki íbúasamtakanna og felur forstöðumanni safnastofnunar og upplýsingafulltrúa að funda með stjórn samtakanna til undirbúnings.

DDT pönkviðburðir óska eftir styrk til að standa straum af kostnaði við að halda pönkhátíð í Egilsbúð Neskaupstað laugardaginn 19. október 2019.
Menningar- og nýsköpunarnefnd samþykkir að styrkja hátíðina sem nemur húsaleigu og þrifum.

Umfjöllun um verkefnasamning vegna stefnumótandi byggðaáætlunar fyrir Sköpunarmiðstöðin á Stöðvarfirði.
Drög kynnt en verða lögð uppfærð fyrir næsta fund nefndarinnar að nýju.