Menningar- og nýsköpunarnefnd

Umræða um áherslur í starfs- og fjárhagsáætlun 2020 í málaflokki menningarmála. Lagt fram minnisblað um fjárhagsáætlun menningarmála 2020 og verkefnaáætlun menningarstofu. Samkvæmt fjárhagsramma menningarmála er rekstrarniðurstaða málaflokksins áætluð tæpar 235 milljónir. Formaður menningar- og nýsköpunarnefndar mætir á fund bæjarráðs 8.október og fer yfir áherslur nefndarinnar.

Menningar- og nýsköpunarnefnd samþykkir fyrir sitt leyti að gjaldskrá fyrir bókasöfnin í Fjarðabyggð verði óbreytt á árinu 2020. Afgreiðslu vísað til bæjarráðs.

Lögð fram kynning atvinnu- og þróunarstjóra á tilboði í innviðagreiningu sem unnin verður í samstarfi við Austurbrú. Hafnarstjórn hefur samþykkt að fara í vinnuna og var ákveðið að fá Austurbrú til verksins. Fyrsti fundur vegna vinnunnar hefur verið haldinn. Reiknað er með að verklok verði í apríl 2020.

Formaður gerði grein fyrir stöðu mála vegna vinnu við stefnumótun í ferðamálum. Drög að stefnumótun eru í vinnslu og verða lögð fyrir á næsta fundi.