Menningar- og nýsköpunarnefnd

Skipa þarf Tónlistarmiðstöð Austurlands þriggja manna stjórn auk þriggja varamanna þeirra og skipta verkum hennar til samræmis við 3. gr. samþykkta frá 15. janúar 2020.
Menningar- og nýsköpunarnefnd samþykkir að stjórn miðstöðvarinnar skipi Eydís Ásbjörnsdóttir, Gunnar Jónsson og Snorri Styrkársson og til vara Jón Kristinn Arngrímsson, Gunnlaugur Sverrisson og Valgeir Ægir Ingólfsson. Formaður Gunnar Jónsson, Snorri Styrkársson gjaldkeri og Eydís Ásbjörnsdóttir ritari.

Beiðni um styrk frá 9. bekk Nesskóla vegna rútuferða í tengslum við uppsetningu á leikritinu Amma þó!
Menningar- og nýsköpunarnefnd samþykkir að greiða fyrir ferðir með rútu fyrir grunnskólanemendur á sýninguna Amma þó! skólasýningu.

Framlögð lokaskýrsla um verkefnið Skapandi sumarstörf 2019 sameiginlegt verkefni Fjarðabyggðar og Fljótsdalshéraðs.
Menningar- og nýsköpunarnefnd lýsir ánægju sinni með vel heppnað verkefni síðasta sumar og bindur vonir sínar við verkefnið þróist og verði enn öflugara á komandi sumri.

Vísað frá íþrótta- og tómstundanefnd til kynningar í menningar- og nýsköpunarnefnd minnisblaði íþrótta- og tómstundafulltrúa um stúdenta- og ungmennaskipti milli Fjarðabyggðar og Gravelines.

Framlögð drög að uppfærðum samningi við Millifótakonfekt ehf. um menningarhátíðina Eistnaflug. Tekið fyrir að nýju á næsta fundi menningar- og nýsköpunarnefndar.

Framlögð tillaga formanns um skipan starfshóps um nýsköpun og atvinnuþróun í Fjarðabyggð þar sem óskað verður eftir aðkomu Nýsköpunarmiðstöðvar.
Menningar- og nýsköpunarnefnd tilnefnir Valgeir Ægir Ingólfsson atvinnu- og þróunarstjóra, Jónu Árnýju Þórðardóttur og Ara Allansson sem fulltrúa í hópinn. Verkefni hópsins er að meta tækifæri til nýsköpunar í Fjarðabyggð, stuðning og styrkjum við frumkvöðla. Hópurinn óski eftir samstarfi við Nýsköpunarmiðstöð og aðra stuðningsaðila í verkefninu. Starfshópurinn mun vinna út árið 2020. Nefndin felur bæjarritara að gera erindisbréf starfshópsins.

Farið yfir stöðu endurskoðunar á Aðalskipulagi Fjarðabyggðar 2007-2027. Lögð fram tillaga sviðsstjóra umhverfis- og skipulagssviðs um að leitað verði eftir ábendingum frá öðrum nefndum í stjórnkerfi Fjarðabyggðar um viðfangsefni sem ástæða væri til að skoða við gerð lýsingar aðalskipulagsins.
Bæjarritara og stjórnsýslufulltrúa falið að yfirfara skipulagslýsingu og leggja fyrir nefndina að nýju.