Menningar- og nýsköpunarnefnd

Drög að stefnumótun fyrir ferðaþjónustu lögð fram.
Menningar- og nýsköpunarnefnd samþykkir drög að ferðamálastefnu fyrir Fjarðabyggð og að stefnan verði yfirfarin og sett upp. Í framhaldi vísað til umsagnar nefnda og tekin fyrir að nýju í nefndinni.

Framlögð vinnugögn vegna verkefna sem unnið hefur verið að vegna ferðamála, markaðs- og upplýsingamála, menningarmála og tengdra verkefna af hálfu stjórnsýslu- og þjónustusviðs.
Menningar- og nýsköpunarnefnd þakkar fyrir snögg viðbrögð og samþykkir tillögurnar fyrir sitt leyti og vísar þeim til bæjarráðs sem vinnur að aðgerðum fyrir samfélagið vegna COVID 19 faraldursins.

Lagt fram yfirlit yfir verkefni Menningarstofu sumarið 2020 ásamt skilgreiningu samstarfsverkefna. Meðal verkefna eru skapandi sumarstörf í samstarfi við Fljótsdalshérað, skapandi sumarsmiðjur, menningar- og listahátíð Fjarðabyggðar, kvikmyndasýningar, tónleikahald auk samstarfs við hátíðir sem eru í umsjón heimamanna.
Lagt fram til kynningar.

Tekin fyrir að nýju drög drög að uppfærðum samningi við Millifótakonfekt ehf. um menningarhátíðina Eistnaflug. Um er að ræða uppfærðan samning til lengri tíma.
Menningar- og nýsköpunarnefnd samþykkir samninginn fyrir sitt leyti.

Vísað frá bæjarráði til kynningar í menningar- og nýsköpunarnefnd umræðu um ráðstafanir sveitarfélagsins vegna Covid-19.
Bæjarráð vill koma þakklæti til allra starfsmanna Fjarðabyggðar sem og íbúa fyrir þeirra ómetanlega framlag á erfiðum tímum. Sérstaklega vill bæjarráð þakka starfsmönnum skólastofnana, félags- heimaþjónustu og hjúkrunarheimila í Fjarðabyggð fyrir þeirra störf sem gert hafa það kleift að halda úti þessari mikilvægu starfsemi á þessum tímum.
Aðgerðarhópur Fjarðabyggðar hittist daglega til að fara yfir stöðuna í Fjarðabyggð og almannavarnarnefnd Austurlands gegnir lykilhlutverki hér eftir sem hingað til við undirbúning viðbragða og eftirfylgni og einnig hittist aðgerðarhópur almannavarna daglega.
Menningar- og nýsköpunarnefnd tekur heilshugar undir bókunina.

Vísað frá bæjarráði til kynningar í menningar- og nýsköpunarnefnd erindi Sambands íslenskra sveitarfélaga um viðspyrnu af hálfu sveitarfélaga fyrir íslenskt atvinnulíf. Bæjarráð samþykkti tillögur sem fyrstu aðgerðir Fjarðabyggðar til viðspyrnu fyrir samfélagið vegna COVID-19 faraldursins á 656. fundi sínum þann 30. mars 2020.
Haldinn hefur verið fundur með ferðaþjónustuaðilum í Fjarðabyggð þar sem rædd hefur verið staða greinarinnar í ljósi faraldursins. Jafnframt hafa verið lagðar fram tillögur frá stjórnsýslu- og þjónustusviði til stuðnings samfélagsins. Lagt fram til kynningar.

Framlögð til afgreiðslu fundargerð safnanefndar frá 17. mars sl.