Menningar- og nýsköpunarnefnd

Lögð fram gögn vegna vinnu við fjárhagsáætlun ársins 2019. Gert er ráð fyrir að rekstrarniðurstaða málaflokks menningarmála verði um 225 milljónir. Lagt fram bréf fjármálastjóra þar sem kemur fram að launaáætlun skal skila fyrir 28. september og starfs-og fjárhagsáætlun einstakra málaflokka skal skila eigi síðar en 15. október. Gert er gert ráð fyrir fundi formanns nefndar og sviðsstjóra með bæjarráði 1. og 5.október. Lögð fram fyrstu drög að útfærslu fjárhagsramma menningarmála og starfsáætlun fyrir árið 2019.

Bæjarráð vísaði beiðni Sköpunarmiðstöðvarinnar um fjárframlag á næstu árum til fjárhagsáætlunargerðar 2019. Erindi verður svarað þegar vinnu við fjárhagsáætlun 2019 lýkur. Tekið aftur fyrir á næsta fundi nefndarinnar þegar fjárhagsrammi ársins skýrist betur.

Bréf Björgvins Vals Guðmundssonar, f.h. Félags áhugafólks um fornleifarannsóknir á Stöðvarfiði, er varðar beiðni um allt að 10 milljóna kr. styrk til að hægt sé að vinna áfram að og hraða fornleifarannsóknum í Stöð. Vísað til menningar- og nýsköpunarnefndar frá bæjarráði. Jafnframt er atvinnu- og þróunarstjóra falið að kanna með mögulega styrki í tengslum við verkefnið. Tekið aftur fyrir á næsta fundi þegar fjárhagsrammi ársins skýrist betur.

Erindi Jóels Sæmundssonar er varðar beiðni um styrk vegna leiksýninga á landsbyggðinni. Menningar- og nýsköpunarnefnd þakkar fyrir erindið og felur forstöðumanni stjórnsýslu að svara bréfritara og vísa honum á umsóknir um menningarstyrki fyrir árið 2019

Beiðni um styrk til að halda pönkhátíð í Neskaupstað í nóvember 2018. Menningar- og nýsköpunarnefnd samþykkir að styrkja hátíðina um 150.000 kr.

Náttúrustofa Austurlands óskar eftir heimild til að afhenda Náttúrfræðistofnun Íslands plöntusafn Hjörleifs Guttormssonar. Búið er ræða við Hjörleif Guttormsson og er hann samþykkur því að safnið verði afhent Náttúrufræðistofnun Íslands. Safnanefnd leggur því til við menningar- og nýsköpunarnefnd að plöntusafnið verð afhent Náttúrufræðistofnun Íslands. Menningar- og nýsköpunarefnd samþykkir að afhenda safnið.

Vinnureglur um úthlutun menningarstyrkja lagðar fram til yfirferðar og samþykktar í tengslum við sameiningu. Vísað til bæjarráðs.

Minnisblað upplýsinga- og kynningafulltrúa um áherslur í markað- og kynningamálum á árinu 2019. Menningar- og nýsköpunarnefnd þakkar fyrir kynninguna og hefur hana til hliðsjónar við fjárhags- og starfsáætlunar vinnu framundan.

Fundargerð safnanefndar nr. 1 frá 11.september 2018, lögð fram til samþykktar.