Menningar- og nýsköpunarnefnd

Bæjarstjóri kynnti málefni græns orkugarðs.

Smári Geirsson ritari sögu Fáskrúðsfjarðar sat þennan lið fundarins. Umræða um stöðu söguritunar og fyrirhugaða útgáfu bókar um sögu Fáskrúðsfjarðar á næsta ári. Málið verður tekið fyrir á fundi í janúar en þá munu liggja fyrir nánari upplýsingar um útgáfu bókarinnar.

Bréf Íbúasamtaka Stöðvarfjarðar er varðar hugmyndir um framtíðarstaðsetningu tjaldsvæðisins á Stöðvarfirði. Menningar- og nýsköpunarnefnd þakkar framkomið bréf og fagnar því framtaki sem Íbúasamtök Stöðvarfjarðar hafa sýnt í málinu. Nefndin felur jafnframt atvinnu- og þróunarstjóra að vinna málið áfram í samráði við íbúasamtökin.

Lagður fram rammi að fjárhagsáætlun menningar- og nýsköpunarmála á árinu 2022. Áframhald umræðu frá því í sumar. Menningar- og nýsköpunarnefnd felur stjórnsýslu- og þjónustusviði áframhaldandi vinnu við fjárhagsáætlun.

Fyrirhugað er að halda málþing um Trébáta og Íslenska strandmenningu í nóvember. Um er að ræða málþing sem frestað var fyrr á árinu vegna Covid-19.

Beiðni um frestanir á greiðslu menningarstyrkja á árinu 2021 vegna Covid-19. Um er að ræða tónleika Coney Island Babies og SinfóAust, Erlu Dóru Vogler og málþing í Breiðdal. Menningar- og nýsköpunarnefnd er sammála um að umræddir þrír menningarstyrkir færist yfir á fjárhagsárið 2022. Beiðni um yfirfærslu fjármagns vísað til fjármálastjóra.

Skýrsla Viktoríu Blöndal verkefnastjóra um fyrirkomulag Skapandi sumarstarfa 2021 lögð fram og kynnt.

Beiðni áhugafólks um fornleifarannsóknir í Stöðvarfirði um sambærilegan styrk og undanfarin ár. Vísað til vinnu við fjárhagsáætlun 2022.