Menningar- og nýsköpunarnefnd

Lagt fram sem trúnaðarmál minnisblað upplýsingafulltrúa um kaup á munum fyrir Íslenska Stríðsárasafnið á Reyðarfirði. Vísað til menningar- og nýsköpunarnefndar með ósk um afstöðu nefndarinnar. Erindið verður tekið fyrir að nýju í bæjarráði í byrjun nóvember. Menningar- og nýsköpunarnefnd telur mikilvægt að gengið verði frá kaupum á safnmunum og farið verði í frekari uppbyggingu á Íslenska Stríðsárasafninu í beinu framhaldi. Nefndin tekur undir áhersluatriði sem koma fram í framlögðu minnisblaði til bæjarráðs um að skipaður verði starfshópur til að móta framtíðarsýn fyrir safnið. Vísað til bæjarráðs.

Umræða um fyrirkomulag styrkveitinga menningar- og nýsköpunarnefndar og hafnarstjórnar til menningartengdra mála og viðburða. Nefndin óskar eftir minnisblaði frá fjármálastjóra um sundurliðun yfir veitta árlega styrki til menningarmála á síðustu átta árum úr hafnarsjóði. Þegar minnisblað liggur fyrir mun menningar- og nýsköpunarnefnd óska eftir sameiginlegum fundi nefndarinnar með hafnarstjórn.

Umsóknarfrestur í Uppbyggingarsjóð var til 18. október. Gerð var grein fyrir tveimur umsóknum frá menningarstofu. Um er ræða umsókn vegna Upptakts á Austurlandi 2022 og Fjölbreyttar listasmiðjur og listsýningar í Fjarðabyggð 2022.

Lögð fram til kynningar fundargerð aðalfundar Sjóminjasafns Austurlands og ársreikningur 2020.

Beiðni um tvær frestanir á greiðslu menningarstyrkja á árinu 2021 vegna Covid-19. Um er að ræða ljósmyndasýningu í Sköpunarmiðstöðinni kr. 50.000 og Listasýningu í tengslum við Queernes í Neskaupstað kr. 100.000. Menningar- og nýsköpunarnefnd er sammála um að umræddir tveir menningarstyrkir færist yfir á fjárhagsárið 2022. Beiðni um yfirfærslu fjármagns vísað til fjármálastjóra.