Menningar- og nýsköpunarnefnd

Lögð fram samantekt um styrki hafnarstjórnar til menningartengdra verkefna á síðustu tíu árum. Menningar- og nýsköpunarnefnd óskar eftir sameiginlegum fundi með hafnarstjórn eða fulltrúum hennar, í upphafi nýs árs.

Forstöðumaður gerði grein fyrir framkvæmd BRAS. Lögð fram skýrsla til Austurbrúar og yfirlit yfir verkefni og útlagðan kostnað Menningarstofu og Tónlistarmiðstöðvar á árinu 2021 vegna BRAS.

Lagðar fram upplýsingar um umsóknir í Framkvæmdasjóð Ferðamannastaða. Atvinnu- og þróunarstjóri gerði grein fyrir umsóknum en sótt var um fjögur verkefni fyrir árið 2022 til sjóðsins. Þrjú þeirra eru eingöngu miðuð við uppmælingar og hönnun en eitt til viðhalds, breytinga og framkvæmda. Um er að ræða Bleiksárfoss Eskifirði, Búðarárfoss Reyðarfirði, Streytishvarf Breiðdal og Franski grafreiturinn Fáskrúðsfirði.

Styrkur til fornleifarannsókna á árinu 2022 verður sambærilegur og á liðnum árum - kr. 1.000.000.

Tilnefning fulltrúa í starfshóp um innleiðingu stefnu. Forstöðumaður stjórnsýslu og varaformaður menningar- og nýsköpunarnefndar munu sitja í hópnum f.h. nefndarinnar.

Beiðni um að styrkir til Sinfóníuhljómsveitar Austurlands og Berglindar Agnarsdóttur verði færðir yfir á næsta fjárhagsár. Menningar- og nýsköpunarnefnd er sammála um að umræddir tveir menningarstyrkir færist yfir á fjárhagsárið 2022. Beiðni um yfirfærslu fjármagns vísað til fjármálastjóra.

Framlögð drög erindisbréfs fyrir starfshóp sem móti framtíðarsýn fyrir Stríðsárasafnið á Reyðarfirði í tengslum við kaup Fjarðabyggðar á munum Hinriks Steinssonar. Bæjarráð hefur skipað sem fulltrúa í starfshópinn Ragnar Sigurðsson og Magna Þór Harðarson formann menningar- og nýsköpunarnefndar, sem jafnframt verður formaður hópsins. Jafnframt skipa starfshópinn forstöðumaður safnastofnunar, sem verður starfsmaður hópsins, atvinnu- og þróunarstjóri og sviðsstjóri framkvæmdasviðs.

Lagður fram til kynningar stofnsamningur Héraðsskjalasafns Austfirðinga en breytingar á samningnum voru samþykktar á aðalfundi safnsins 10.desember sl.