Menningar- og nýsköpunarnefnd

Upplýsingafulltrúi sat þennan lið fundarins og fór yfir verkefni sumarsins 2022. Minnisblað lagt fram til kynningar.

Forstöðumaður Menningarstofu sat þennan lið fundarins og kynnti helstu verkefni sumarsins. Minnisblað lagt fram til kynningar.

Lagt fram til kynningar minnisblað forstöðumanns Safnastofnunar um starfsemina sumarið 2022.

Atvinnu- og þróunarstjóri kynnti helstu verkefni á árinu 2022. Minnisblað lagt fram til kynningar.

Erindi frá Kvikmyndasýningarfélagi Austurlands og Vinum Valhallar á Eskifirði, varðandi viðhald á Valhöll Eskifirði í tengslum við fjáröflun vegna kaupa á sýningarkerfi. Bæjarráð vísaði erindi til framkvæmdasviðs til úrvinnslu en á áætlun ársins er gert ráð fyrir viðhaldi á húsnæðinu. Samkvæmt upplýsingum frá framkvæmdasviði verður farið í að lagfæra þak hússins á árinu.

Lagt fram til kynningar minnisblað vegna samnings við Bókaútgáfuna Hóla vegna ritunar á sögu Fáskrúðsfjarðar. Bæjarráð hefur samþykkt að saga Fáskrúðsfjarðar verði gefin út á árinu 2022 og bæjarstjóri hefur undirritað samning um útgáfu hennar.

Lögð fram kynning á svæðisskipulagi Austurlands. Skipulagið var í umsagnarferli fram til 21. apríl.