Menningar- og nýsköpunarnefnd

Forstöðumaður menningarstofu fór yfir stöðu vinnu við endurskoðun á menningarstefnu Fjarðabyggðar. Endurskoðun menningarstefnu verður næst tekið fyrir á fundi í febrúar og mun forstöðumaður menningarstofu senda nefndinni drög fyrir þann fund.

Lagt fram tilboð frá samfélagsmiðlunar fyrirtækinu Onwegogo um umsjón með Instagram reikningi Fjarðabyggðar til tólf mánaða, auk minnisblaðs frá upplýsinga- og kynningarfulltrúa um verkefnið. Menningar- og nýsköpunarnefnd samþykkir framlagt tilboð og felur upplýsingafulltrúa að ganga frá samningi við Onwegogo.

Lagt fram til kynningar minnisblað upplýsinga- og kynningarfulltrúa um fagfund með ferðaþjónustuaðilum sem haldinn var á Eskifirði 12. desember 2018.

Lagt fram bréf Þjóðleikhússtjóra frá 8.nóvember 2018, er varðar sýningar á barnaleikritinu "Ég get" á landsbyggðinni. Menningar- og nýsköpunarnefnd fagnar framtakinu og felur forstöðumanni Menningarstofu að vera í sambandi við fulltrúa Þjóðleikhússins.

Tölvupóstur Júlíönu Kristínar Jónsdóttur er varðar sýningu á leikritum fyrir leikskólabörn í sumar. Menningar- og nýsköpunarnefnd lýst vel á framtakið og hvetur Júlíönu til að sækja um menningarstyrk.

Lagt fram til kynningar, fundargerð framhaldsaðalfundar Héraðsskjalasafns Austfirðinga auk fundargerðar stjórnar, frá 14.desember 2018.

Lagt fram til kynningar minnisblað um útfærslu frístundastarfs í Egilsbúð í Neskaupstað.

Fundargerð safnanefndar nr. 6 frá 18.desember 2018, samþykkt með 5 atkvæðum.