Öldungaráð

Kynnt afgreiðsla hafnarstjórnar á erindi um niðurfellingu hafnargjalda fyrir eldri borgara. Hafnarstjórn telur ekki að hennar verksviði að hlutast til um málið.
Öldungaráð felur forstöðumanni stoðþjónustu að svara erindi.

Farið yfir stöðu viðhalds húsnæðis í útleigu hjá félögum eldri borgara í Fjarðabyggð.
Öldungaráð vísar málinu til fasteigna- og framkvæmdafulltrúa til nánari skoðunar. Frestað til næsta fundar

Erindi vísað frá félagsmálanefnd til umfjöllunar í öldungaráði. Þennan lið fundarins sat Hjördís Helga Seljan Þóroddsdóttir og fór yfir stefnumótun í málefnum eldri borgara.
Öldungaráð felur forsvarsmönnum félaga eldri borgara að fá nánari upplýsingar frá félögunum til að setja í vinnu við stefnumótun. Minnisblað sent á alla formenn eldriborgara félaganna til kynningar hjá félögunum. Málið verður rætt frekar á næsta fundi.

Forstöðumaður kynnti námskeiðið Fjármál við starfslok.

Umræða um sameiginleg mál eldri borgara í Fjarðabyggð.
Umræða um hvernig hefur gengið að ná inn nýjum félögum inn í félög eldriborga í Fjarðabyggð. Rætt um að hittast til þess að ræða sameiginlega samstarfsfleti og samstarf á milli félaga.