Safnanefnd

Formaður kynnti áform um framþróun og uppbyggingu safnsins.
Kynnt var vettvangsheimsókn nema í safnaræðum við Háskóla Íslands í tengslum við safnið á árinu 2020.
Jafnframt samþykkir Safnanefnd að fela forstöðumanni að kanna möguleika með málþing í tilefni að 80 ár eru liðin frá hernámi Íslands árið 2020.

Safnanefnd samþykkir að fela bæjarstjóra og forstöðumanni Safnastofnunar að fara þess á leit við Þjóminjasafnið að Íslenska Stríðsárasafnið fái til sýningar og vörslu þá muni sem þar eru og tengjast stríðsárunum á Íslandi. Íslenska Stríðsárasafnið er eina safnið hérlendis sem sérhæft hefur sig í að segja sögu seinni stríðsáranna frá innlendu sjónarhorni og fer því vel á að það gegni þessu hlutverki fyrir Þjóðminjasafnið. Þá eru á komandi ári áttatíu ár liðin frá hernámi Íslands og vill Íslenska Stríðsárasafnið gera þeim tímamótum skil í sýningu sinni og fá fleiri muni til sýningar sem tengjast þeim.

Lögð fram tillaga um fyrirkomulag sumaropnunar bókasafna 2020 ásamt kostnaðaráætlun.
Nefndin samþykkir tillögurnar og leggur þær fyrir menningar- og nýsköpunarnefnd.

Formaður nefndar kynnti áform um endurbætur og lagfæringu á bátnum Gauta og næstu skref í því verkefni. SÚN hefur lofað styrk í verkefnið. Forstöðumanni falið að halda utan um samningagerð um verkið við Guðmund Guðlaugsson, smið.

Lögð fram til upplýsinga fundargerð um slit safnsins.